Një burrë ecën duke u futur në një bar me një armë. “Kjo është një vjedhje”, u thotë ai një grusht njerëzish brenda.

Dhe siç edhe mund të shihet në pamje, përcjell Telegrafi, shumica e klientëve të barit nuk dëshirojnë telashe.

Ata “dorëzohen” dhe i dorëzojnë kuletat kur u kërkohet.

Por një burrë befason me sjelljen e tij.

Burri me “nerva prej çeliku”, jo vetëm që nuk pranon të dorëzojë smartphone-in e tij nën tytën e armës – ai në të vërtetë ndez një cigare dhe shikon nga bari ndërsa ndodh plaçkitja.

Pamjet e sigurisë tregojnë reagimin e burrit ndaj një grabitjeje të armatosur në zhvillim, e cila u bë menjëherë pas mesnatës së 28 gushtit në Behrmann’s Tavern në St. Louis, Mis.

Pamjet nuk përfshijnë audio, por gjuha e trupit të njeriut është e qartë: ai nuk deshi të vidhej atë ditë. /Telegrafi/