Komisioneri për zgjerim i BE-së, Johannes Hahn, gjatë një interviste dhënë të përditshmes serbe “Vecernje Novosti”, ka deklaruar se zgjidhja e çështjes së Kosovës nuk është kushti i vetëm i Serbisë për anëtarësim në BE.
Hahn ka thënë se zbatimi i reformave në fushën e sundimit të ligjit, të drejtave themelore dhe qeverisjes së mirë, mbetet thelbi i procesit të zgjerimit, transmeton Telegrafi.
“Fakti që Bashkimi Evropian duhet të jetë më i fortë dhe më i fuqishëm para se të zgjerohet, kjo në asnjë mënyrë nuk e rrezikon punën tonë me vendet kandidate dhe gatishmërinë e tyre për t’u bërë anëtarë”, ka shtuar komisioneri Hahn.
I pyetur se cilat janë gjasat që Serbia të jetë anëtare e BE-së deri në vitin 2025, Hahn ka thënë se Presidenti i Komisionit Evropian, Jean-Claude Juncker e ka bërë të qartë që asnjë shtet anëtar i ri nuk mund të hyjë në BE pa i zgjidhur çështjet e hapura bilaterale.
“Për Serbinë kjo do të thotë se është e nevojshme të përfundojë dhe të zbatojë në mënyrë të përhershme marrëveshjen ligjore me Prishtinën. Por më lejoni të shpjegoj edhe një gjë. Duket se shumë, përfshirë politikanë, e kanë përshtypjen se zgjidhja e çështjes së problemit të Kosovës është kushti i vetëm i Serbisë në rrugën drejt BE-së. Por nuk është kështu. Implementimi i reformave në fushën e sundimit të ligjit, të drejtave themelore dhe qeverisjes së mirë mbetet thelbi i procesit të zgjerimit”, ka shtuar Hahn.
Ai nuk është përgjigjur në pyetjen se kur pritet të ndodh marrëveshja përfundimtare mes Beogradit dhe Prishtinës, si dhe për çështjen e ndryshimit të mundshëm të kufijve, duke shtuar se BE-ja nuk spekulon mbi elementët e mundshëm të marrëveshjes ligjore përfundimtare të detyrueshme.
Megjithatë theksoi se BE-ja mbështet plotësisht dialogun midis Beogradit dhe Prishtinës, dhe se marrëveshja përfundimtare nënkupton një zgjidhje të qëndrueshme, reale në përputhje me ligjin ndërkombëtar të BE-së.
“Çfarëdo marrëveshje duhet të jetë specifike dhe e përshtatshme, që të mos krijoj precedent dhe të kontribuojë në stabilitetin rajonal dhe rrugën drejt BE-së”, ka thënë për fund Hahn. /Telegrafi/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Kurti: Anëtarësimi në KiE, hapi i parë drejt bashkimit me familjen evropiane
Ndalohet një shtetas i Kosovës në Maqedoni, kërkohej nga Interpoli
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë