Gutierres: Raporti për median aspak befasues, ftojmë Qeverinë t'i mbrojë gazetarët në vend se t'i sulmojë ata
6:"Picasa
Rangimin e Kosovës 19 vende më poshtë në raportin e Reporterëve pa Kufij, e ka komentuar Sekretari i Federatës Evropiane të Gazetarëve.
Në një prononcim për Radio Dukagjinin, Ricardo Gutierrez ka thënë se nuk është aspak i befasuar më këtë renditje.
“Nuk jam aspak i befasuar me vendin në të cilin është vendosur Kosova në këtë raport. Autoritete nuk po reagojnë mjaftueshëm ndaj kërcënimeve dhe agjendave të intimidimit të gazetarëve”, thotë Guetierrez
Ai ka një thirrje për autoritetet.
“Ky rangim i varfër vjen gjithashtu pas përpjekjeve obsesive të Qeverisë për mbylljen e Klan Kosovës. Ne i ftojmë autoritetet që t’i mbrojnë gazetarët në vend se ti sulmojnë ata”, thotë Gutierrez.
