Guardiola i bindur se Arsenali nuk bën më hapa fals: Tani e dimë se çfarë duhet bërë

Arsenali fitoi të dielën nga ora 15:00 ndaj Tottenham Hotspur, por vetëm dy orë më pas të njëjtën gjë e bëri edhe Manchester City.

Citizens mbetet një pikë pas Arsenalit në tabelën e Ligës Premier, por ata kanë një ndeshje më pak të zhvilluara.

Kampioni në fuqi i Anglisë, mundën 2-0 Nottingham Forest këtë të dielë, pas së cilës Pep Guardiola u pyet për rezultatin në derbin e Londrës së Veriut.

Lexo po ashtu Përfundon derbi londinez: Arsenali me triumf minimal ndaj Tottenhamit

Duke reaguar ndaj fitores 3-2 të Arsenalit ndaj Tottenham Hotspur , Guardiola u përgjigj përmes The Guardian se do të preferonte që Topçinjtë ta humbisnin këtë duel.

“Do të kisha preferuar që ata të humbnin, por ne nuk mund ta kontrollojmë atë që bëjnë. Ata morën një rezultat të mirë, kanë mbetur edhe katër ndeshje”.

Krejt në fund Pep tha se nuk mendon se Arsenali do të humbas deri në fund të kampionatit ndonjë pikë.

Lexo po ashtu Shtatë gola në një ndeshje të vetme, kush është sulmuesi vrastar që po thyen rekorde te Arsenali

“Unë nuk mendoj se Arsenali do të humbasë asnjë pikë, kështu që ne e dimë saktësisht se çfarë të bëjmë”.

Gara për titull tani i takon vetëm Arsenalit dhe Man City, pasi Liverpooli ka mbetur mbrapa pas barazimit në udhëtim te West Ham United. /Telegrafi/