Gjyqtari i njohur anglez, Mark Clattenburg ka zbuluar emrat e pesë lojtarëve më të bezdisshëm për gjyqtarët e futbollit
Mark Clattenburg ka zbuluar se gjyqtarët e futbollit abuzohen shumë kur bëjnë punën e tyre dhe mbyllin sytë shpeshherë para shumë ofendimeve dhe sharjeve, por disa lojtarë janë më të bezdisshëm për të referuar se të tjerët.
Anglezi ishte një nga gjyqtarët më të njohur në lojën e futbollit gjatë periudhës së tij si gjyqtar në Ligën Premier nga 2004 deri më 2017.
Gjatë asaj kohe anglezit iu besua edhe drejtimi i finaleve në Ligën e Kampionëve dhe Euro 2016, duke qenë gjyqtar kryesor në 576 ndeshje në karrierën e tij.
46-vjeçari ka qenë në fushë me të gjithë emrat më të mëdhenj të futbollit, dhe shumë nga më të bezdisurit gjithashtu, teksa nuk ka hezituar t’i zbulojë emrat e pesëshes më të ‘bezdisshme’.
Clattenburg ka folur emra të njohur si Craig Bellamy, i cili zë vendin e parë, ndërsa pasohet nga Roy Keane, John Obi Mikel, Pepe dhe Jens Lehmann.
“Bellamy ishte një makth për gjyqtarin dhe shumica prej nesh ndjeheshim njësoj. Ai ulërinte drejt jush dhe të prekte me duar, duke ju sfiduar vazhdimisht. Gjuha e tij ishte e tmerrshme, thjesht e vrazhdë”, ka thënë fillimisht Clattenburg për Daily Mail.
“Si gjyqtar, është e vështirë kur ke një lojtar problematik të tillë, sepse tërhiqesh pas tij dhe është një shpërqendrim. Për shkak se unë jam një tifoz i Neëcastle, pata luksin të mos e gjykoja kurrë atë kur fillova karrierën. Do të doja që ai të kishte qëndruar në Neëcastle për pak më gjatë!”.
“Keane kur luante ishte i vështirë për t’u menaxhuar. Kujtoni incidentin me Andy D’Urso kur ai bërtiti në fytyrë, se përpjekja për të ngacmuar gjyqtarin është si ishte”.
“Thjesht nuk mund t’i besoje as Royt. Nuk e dije kurrë nëse ai do të shpërthejë apo do të bëjë diçka të keqe, si ajo ndaj Alf-Inge Haaland. Ishte një turp, ishte e paramenduar”.
“Ai gjithmonë donte të ishte njeriu i vështirë. Kjo shkakton probleme për gjyqtarët sepse egoja fillon dhe bëhet një luftë, siç ndodhi mes tij dhe Patrick Vieira”.
Në finalen e Ligës së Kampionëve, Clattenburg u bë viral për një moment të çuditshëm me mbrojtësin e atëhershëm të Real Madridit, Pepe.
“Ai ishte një lojtar tjetër që nuk mund t’i besoni. Një lojë mund të ishte e lehtë dhe e pa-komplikuar, por ai atëherë do të bënte diçka dinake”.
“Ai ishte një tregtar i erërave dhe nuk ishte aspak argëtuese për ta gjykuar, duhej të ishe vazhdimisht në roje”.
Një moment tjetër i rëndësishëm gjatë karrierës së tij ishte kur Clattenburg u akuzua nga John Obi Mikel për një koment racist ndaj tij.
“Ai kurrë nuk ka kërkuar falje dhe kjo është zhgënjyese sepse mund të më kishte shkatërruar jetën. Më humbi dashuria për gjykimin për një kohë pas kësaj, por nuk munda të largohesha sepse kisha një familje për të mbajtur dhe asnjë karrierë tjetër për të ndjekur. E gjithë kjo la një ndjenjë të keqe që vazhdon edhe sot”.
Në listën e problematikëve për gjyqtarët ka zënë vend edhe ish-portieri i Gjermanisë, Jens Lehmann.
“Ai ishte shumë nervoz dhe nuk ndalej kurrë, një nga ata burra të mjerë që ankonte për gjithçka dhe për këdo. Nëse topi do të ishte i rrumbullakët, ai do të ankohej. Nëse topi do të ishte i bardhë, ai do të ankohej. Ju do të mendonit, “Thjesht pushoni””.
“Ai ishte një portier i madh, por sinqerisht mendoj se kjo ishte një dobësi e tij dhe skuadrat e tjera e identifikuan këtë. Ata qëndronin në gishtat e tij në rivënie këndore dhe ai do të reagonte duke i shtyrë”.
“E dija që lojtarët po e provokonin, por ai ndoshta ishte me fat që shmangte përjashtimin dhe dhënien e penalltive”.
“Ai bënte lojëra [mashtrime], gjëra të vogla që e bënin të vështirë dhe unë nuk kënaqesha aspak duke e arbitruar. Ai ishte i çrregullt dhe veprimet e tij nuk ishin të lehta për t’u përballuar”, përfundoi ish-gjyqtari anglez. /Telegrafi/
Promo
Reklamo këtuLufta Prigozhin - Putin
Më shumëGuardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
Sport1: A po ndodh diçka e paimagjinueshme te Bayerni?
Veterani i Real Madridit i shpëton largimit – Perez thyen ‘rregullin e artë’ dhe i dhuron kontratë të re
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
PSG nuk humbë kohë - gjen zëvendësuesin e Mbappes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3