Gjykata Evropiane e të Drejtave të Njeriut ka propozuar masa të përkohshme për të siguruar që dënimi me vdekje për dy britanikut e mbajtur në Donetsk të mos zbatohet.

Mbetet e paqartë nëse Rusia do të zbatojë urdhrin duke qenë se Gjykata Evropiane e të Drejtave të Njeriut nuk ka më juridiksion në vend, transmeton Telegrafi.

Shaun Pinner u kap në Mariupol në prill së bashku me kolegun britanik Aiden Aslin gjatë një lufte intensive për kontrollin e qytetit port.

Dyshja u shpallën fajtorë për “veprimtari mercenare dhe kryerjen e veprimeve që synonin marrjen e pushtetit dhe përmbysjen e rendit kushtetues të Republikës Popullore të Donetsk”, megjithëse familjet e tyre thonë se ata po luftonin në mënyrë legjitime si pjesë e ushtrisë ukrainase dhe duhet të trajtohen si të burgosur lufte.

Gjykata tha në një deklaratë se “i tregoi veçanërisht qeverisë së Federatës Ruse, sipas rregullit 39 (masat e përkohshme) të Rregullores së Gjykatës, se ata duhet të sigurojnë që dënimi me vdekje i vendosur ndaj kërkuesve të mos zbatohej”.

Në qershor, parlamenti rus miratoi dy projektligje që i japin fund kompetencës së gjykatës për të marrë vendime ligjore në Rusi.

Ligjet hoqën një rrugë ligjore që rusët, duke përfshirë kritikun e burgosur të Kremlinit, Alexei Navalny, e kanë përdorur në të kaluarën për të ngritur çështje të profilit të lartë që ishin refuzuar nga gjykatat kombëtare. /Telegrafi/