Gjuan me armë zjarri në aheng familjar, dy të arrestuar në Suharekë

Ne fshatin Bllacë të Komunës së Suharekës, gjatë ahengut familjarë (dasmës), Policia në Suharekë kishte pranuar një informacion për të shtëna me armë zjarri.

Sipas njoftimit për media, zyrtarët policorë intervenuan menjëherë dhe dolën në vendin e ngjarjes duke identifikuar edhe personin e dyshimtë i cili kishte shtënë me armë zjarri.

“I njëjti pranoj dhe në vendin e ngjarjes e dorëzoj një pistoletë të tipit Zoraki Mod 914 B, kalibër 8 mm, një karikator dhe një gëzhojë të shkrepur nga e njëjta armë. Në lidhje më këtë rast policia e informoj prokurorin e shtetit dhe filloj një kontroll. Gjatë realizimit të kontrollit, një personi tjetër të dyshimtë u gjet në posedim të armës AK47, kalibër 7.62 mm”, thuhet në njoftim.

Policia sekuestroi në cilësinë e provës materiale armët e gjetura, ndërsa të dyshimtit N.G i lindur në vitin 1969 dhe H.G i lindur në vitin 1977, u ndaluan në mbajte në afat prej 48 orë. /Telegrafi/