LAJMI I FUNDIT:

Gjesti i këndshëm i Wiganit, plotëson ëndrrën e prindërve duke shfaqur në stadium fotografinë e fëmijës së tyre të ndjerë

Gjesti i këndshëm i Wiganit, plotëson ëndrrën e prindërve duke shfaqur në stadium fotografinë e fëmijës së tyre të ndjerë
(Foto: Nathan Stirk/Getty Images/Guliver)

Derisa stadiumet janë të zbrazëta si pasojë e pandemisë së coronavirusit, ndeshjet e Ligës Premier dhe ato të Championship shoqërohen me figura të ndryshme kartonësh duke i përfshirë edhe ato të tifozëve.

Një foshnje, e cila kishte ndërruar jetë në moshën pesëmuajshe, është shfaqur përmes një fotografie në ndeshjen ndërmjet Wigan Athletic dhe Blackburn Rovers.

Jack Stout vdiq para pesë vitesh, ndërsa porsa kishte lindur, prindërit e tij që janë tifozë të flaktë të Wiganit, kishin ëndërruar që ta dërgonin djalin e tyre në një ndeshje kur të rritej.

(Foto: Wigan Today/Twitter)

Dhe duke qenë se këtë nuk arritën ta bënin për shkak të sëmundjes së rëndë, ata e realizuan ëndrrën në një formë tjetër.

Nëna e Jackut, Christine Lamb, vendosi ta dërgonte një fotografi të djalit të saj që të vendosej në njërën prej ulëseve në DW Stadium. Ajo dhe babai i Jackut ishin njoftuar pikërisht në një ndeshje të Wiganit.

“Ishte gjë e bukur, dukej sikur ai më në fund shkoi ta shikonte ndeshjen e tij të parë”, ka deklaruar Christine për Wigan Today, duke shtuar se ideja ishte e fëmijëve të tjerë të saj që donin që vëllai i tyre i ndjerë të ishte në njërën prej fotografive.

Ajo është mahnitur edhe nga reagimet e shumta pozitive në rrjetet sociale: “Reagimi ka qenë i çmendur. Asnjëherë nuk kisha pritur aq shumë komente që na kanë ardhur”. /Telegrafi/


Në trend Sport

Më shumë
Granit Xhaka i mashtroi të gjithë tifozët me festimin që bëri pas golit, reagimi i Xabi Alonsos është bërë viral

Granit Xhaka i mashtroi të gjithë tifozët me festimin që bëri pas golit, reagimi i Xabi Alonsos është bërë viral

Bundesliga
Bayern Munich konsideron shitjen e pesë yjeve në verë, alarmohen Man Utd dhe Liverpool

Bayern Munich konsideron shitjen e pesë yjeve në verë, alarmohen Man Utd dhe Liverpool

Bundesliga
Xabi Alonso tregon se çfarë mendoi ai dhe stafi pas ‘lëndimit’ të Granit Xhakës

Xabi Alonso tregon se çfarë mendoi ai dhe stafi pas ‘lëndimit’ të Granit Xhakës

Bundesliga
Goditja nga distanca, portieri në ‘gjumë’ - Granit Xhaka realizon super gol për Bayer Leverkusenin

Goditja nga distanca, portieri në ‘gjumë’ - Granit Xhaka realizon super gol për Bayer Leverkusenin

Bundesliga
“Ai është praktikisht gati”, Real Madridit është afër t’i kthehet ylli i skuadrës

“Ai është praktikisht gati”, Real Madridit është afër t’i kthehet ylli i skuadrës

La Liga
Gjiganti evropian kërkon transferimin e Theo Hernandezit, nuk është Real Madridi

Gjiganti evropian kërkon transferimin e Theo Hernandezit, nuk është Real Madridi

Bundesliga
Kalo në kategori