Të hënën, më 5 dhjetor, u nda nga jeta në moshën 41-vjeçare, drejtori menaxhues i Telegrafit dhe artisti, Arlind Gjikolli i njohur edhe si Gjikla.

Reklama

Shumë personalitete nga politika, arti dhe televizioni ka shprehur ngushëllime për vdekjen e tij përmes rrjeteve sociale.

Në mesin e tyre edhe reperi i njohur shqiptar, Genc Prelvukaj, i cili u shpreh i prekur në një shkrim në faqen e tij të Facebook.

“Ma këpute shpirtin Gjiklo. Ma ndave zemrën në dyshe o njeri i mirë. Pusho në paqe mik i dashtun”, ka shkruar Prelvukaj.

Gjikla, siç e quanin të gjithë të afërmit dhe miqtë, ishte themeluesi dhe shtylla krijuese e grupit WNC nga Peja, që zhanrin e muzikës rep në Kosovë e çoi në një stad më të zhvilluar, qoftë me tekste të angazhuara, me muzikë apo me interpretim.

Reklama
Reklama

Në dhjetë vjetët e fundit, Gjikla ishte COO (Drejtor Menaxhues) i Telegrafit. Si person që jetonte me kohën dhe që donte përparimin, ai dha kontribut të madh në zhvillimin dhe rritjen e këtij portali. Gjikla ka qenë një nga shtyllat e risive teknologjike që Telegrafi çdo vjet ka sjell për lexuesit shqiptarë.

Ceremonia e varrimit do të mbahet sot, e martë (6 dhjetor) në orën 15:00 në varrezat e qytetit të Pejës. Funerali niset nga shtëpia e të ndjerit, rruga “Mbretëresha Teutë”, numër 89. /Telegrafi/