Futbollisti i Nice kërcënon të vetëvritet duke kërcyer nga një urë e lartë 100 metra

Një lajm shokues ka ardhur nga Franca. Lojtari i Nice, Alexis Beka Beka po kërcënon të vetëvritet duke kërcyer nga ura e lartë Magnan.

Sipas mediave franceze BFM Nice Côte d’Azur dhe RMC Sport, ura është afërsisht 100 metra mbi tokë dhe ndodhet në autostradën A, ku Beka qëndron buzë urës dhe negociatat me të janë duke vazhduar.

Në vendngjarje janë nisur ekipet e ambulancës dhe xhandarmëria.

Menjëherë Nice ka anuluar të gjitha aktivitetet mediatike të planifikuara për sot, ndërsa në vendin ku ndodhet Beka Beka kanë dërguar psikologen e klubit.

Shokët e skuadrës, veçanërisht Khephren Thuram, kanë tentuar të kontaktojnë me të dashurën e Beka Bekës, ardhja e së cilës pritet të shmangë tragjedinë.

Un joueur de l’OGC Nice menace de sauter depuis le viaduc de Magnan sur l’A8 pic.twitter.com/D3gBlk8zp3

— BFM Nice Côte d’Azur (@BFMCotedazur) September 29, 2023

Sipas informacioneve të para, futbollisti së fundmi është ndarë nga e dashura e tij dhe për këtë arsye ka vendosur të bëjë një lëvizje radikale.

Beka Beka është 22 vjeç, luan në pozitën e mesfushorit, ndërsa në Nice ka ardhur në vitin 2022 nga Lokomotiv Moska në një shumë prej 12 milionë eurosh. /Telegrafi/

Beka beka, jugador del Niza. Por favor no lo hagas pic.twitter.com/1r7TFKBbls

— Metemierda (@MarcGins1) September 29, 2023