Freskojeni enterierin me ngjyrë të gjelbër

Si njëra ndër ngjyrat më të përhapura në natyrë, e gjelbra freskuese asocion në shpërthim të sërishëm të natyrës, ndërkaq krahas kësaj ka edhe efekt qetësues.

Kjo ngjyrë harmonike është melhemi i vërtetë për sytë, për ç’shkak është e përfaqësuar më me dëshirë në hapësirat e shtëpive.

Krahas kësaj, është lehtë e kombinueshme me tërë paletën e ngjyrave të tjera, posaçërisht me të verdhën e shndritshme, e cila me freskinë e saj do ta plotësojë skemën e dekorimit, transmeton Telegrafi.

Gjithashtu lidhen shpesh edhe nuancat tjera të së gjelbrës, e cila krijon një përshtypje të mirë në hapësirë. Mund ta përdorni në mure, ta zgjidhni si ngjyrë të tepihut tuaj ose modelit në perde ose në garniturën për ulje.

Bimët sezonale dekorative dhe lulet sjellin frymën verore në kuptimin e plotë të fjalës dhe janë të dëshiruara në secilën hapësirë të shtëpisë, që nga hyrja deri te banja, e cila në harmoni me trendët më të rinj po bëhet vend për relaksim.

Bimët mund t’i vendosni edhe si barriera gjysmë transparente në mes të zonave të caktuara, p.sh. banjës dhe dhomës së ditës. /Telegrafi/