Franco Foda pritet të emërohet përzgjedhës i ri i Përfaqësueses së Kosovës, ku në këtë pozitë do ta zëvendësojë Primoz Glihan, të cilit i skadoi kontrata me FFK-në dhe i ndanë rrugët pas një bashkëpunimi disavjeçar.
Trajneri gjerman do të prezantohet së shpejti nga kryetari i FFK-së, Agim Ademi, ku me të Kosova shpreson që të luajë në Kampionatin Botëror që mbahet pas dy vitesh.
Sipas burimeve të Telegrafit, kontrata e tij me FFK-në do të nënshkruhet brenda 72 orësh, ku fillimisht ai do t’i ketë katër ndeshje miqësore, pastaj ndeshjet zyrtare të Ligës së Kombeve.
Kosova në këtë garë është në grup me Rumaninë, Qipron dhe Lituanin ose Gjibraltarin, e ku synon që të dalë e para në këtë grup.
Franco Foda, karriera e tij si futbollist dhe trajner
Franco Foda ka nënshtësi gjermane, por me rrënjë nga babai është italian, ndërsa ka lindur në Mainz më 23 prill 1966.
Si futbollist ka pasur një karrierë të spikatur duke luajtur për klube në Gjermani, Austri dhe Zvicër, ndërsa ka luajtur në pozitën e mbrojtësit.
Kaiserslautern, Arminia Bielefeld, Bayer Leverkusen, VfB Stuttgart, Basel dhe Sturm Graz ishin klubet që ai ka luajtur.
Me Kombëtaren e Gjermanisë ai kishte dy paraqitje, kur u ftua sa ishte futbollit në Kaiserslautern.
Si futbollist ai e ka fituar Kupën e Gjermanisë me Kaiserslautern (1990) dhe Bayer Leverkusen (1993).
Në futbollin austriak me Sturm Graz ka fituar gjithçka që fitohet, ku spikasin titujt e kampionit në sezonet 1997/98 dhe 1998/99.
Sa i përket zejes së trajnerit, 57-vjeçari e ka nisur në klubin ku e mbylli karrierën si futbollist te Sturm, ku nga grupmoshat shkoi deri tek ekipi i parë, duke qëndruar te ky ambient për 10 vite.
Foda si trajner ka fituar titullin e kampionit në sezonin 2010/11, ndërsa Kupën e Austrisë një vit më herët në sezonin 2009/2010.
Pas Sturm ai ishte trajner te Kaiserslautern për një sezon duke u kthyer në Sturm ku qëndroi për katër vite tjera. Ai drejtoi Kombëtaren e Austrisë për katër vite, ku e kishte dërguar një herë në Kampionatin Evropian, duke e futur në mesin e 16-të më të mirave.
Pas kësaj avanture, një periudhë ai ishte për disa muaj te Zurich, ku u shkarkua.
Formacioni dhe loja që preferon
Foda preferon rreshtimet 3-4-2-1, 4-4-1-1 dhe 4-2-3-1, ndërsa njihet si adaptues i mirë i formacioneve me lojtarët që ka në dispozicion.
Ai këtë gjë kishte arritur ta bënte me Austrinë, kur luante me formacionin 4-2-3-1, ku arriti të shkonte në mesin e 16-të më të mirave për t’u eliminuar pastaj nga Italia që e fitoi turneun, me një ndeshje të ngushtë që u mbyll 2-1.
Loja e Fodas bazohet në posedim të topit, ku në Euro 2020 kishin një mesatare prej 59.6%.
Po ashtu skuadra e tij ishte e treta me vlerën më të lartë të intensitetit, ndërsa kishte statistika të mira në duele, ndërhyrje dhe ndërprerjet, pas Italisë dhe Zvicrës.
Statistikat më lartë tregojnë se Foda dëshiron të luajë një stil aktiv dhe dominues të futbollit. /Telegrafi/
Promo
Reklamo këtuLufta Prigozhin - Putin
Më shumëNga Rubrika
“Nuk ka mbaruar ende, na duhet edhe një gol kundër Romës për finale” – Xhaka flet pas fitores së madhe
Shok për favoritin e Ligës së Konferencës – shënohen 11 gola në dy ndeshjet gjysmëfinale
Vlerësimi për Berat Gjimshitin dhe të tjerët, Marsille 1-1 Atalanta
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe
Roma 0-2 Bayer Leverkusen, nota e Granit Xhakës dhe të tjerëve
Barcelona e hapur për të shitur yllin e madh të ekipit
Tifozët kanë mbetur të shokuar me pritjen që iu bë Toni Kroosit në ‘Allianz Arena’
Tifozët e Real Madridit kanë mbetur të habitur me praninë e ‘lojtarit misterioz’ me ekipin në Gjermani
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe