LAJMI I FUNDIT:

Franca zbulon masat e reja kundër duhanit – tregohet se sa do të jetë çmimi i një pakoje cigaresh në vitet e ardhshme

Franca zbulon masat e reja kundër duhanit – tregohet se sa do të jetë çmimi i një pakoje cigaresh në vitet e ardhshme

Ministria e Shëndetësisë së Francës ka zbuluar një plan të ri, që përfshin rritjen e çmimit të duhanit dhe ndalimin e pirjes së tij në hapësira publike, duke synuar krijimin e një brezi “pa duhan” deri në vitin 2032.

Një paketë cigare në Francë aktualisht kushton 10-11 euro, por çmimet do të rriten gradualisht, ku në vitin 2025 një pako cigare do të kushtojë 12 euro, ndërsa në vitin 2027, 13 euro, shkruajnë mediat e huaja, përcjell Telegrafi.

Raportohet se në përpjekje për të ulur numrin e duhanpirësve, Franca gjithashtu planifikon ndalimin e cigareve elektronike njëpërdorimshe.

Ministri i shëndetësisë së Francës, Aurelien Rousseau, tha se pirja e duhanit është shkaku kryesor i vdekjeve të parandalueshme në vend, që rezultojnë në 75 mijë vdekje në vit, duke lënë të nënkuptohet se për synim ka krijimin e një mjedisi pa duhan.

“Pavarësisht këtyre shifrave, pavarësisht realitetit rrëqethës që tregojnë ato, përdorimi i përditshëm i duhanit prek 12 milionë bashkëqytetarë tanë, ose ndryshe një të katërtën e popullsisë së rritur”, shtoi ai.

Sipas Eurostat, përqindja ditore e duhanpirësve në Francë është më e lartë se mesatarja e BE-së.

Rreth 22.2 për qind e njerëzve të moshës mbi 15 vjeç, pinë duhan çdo ditë në Francë, krahasuar me 19.7 për qind në BE.

Një raport i botuar në gusht, zbuloi se Franca humbi më shumë para për jetët e humbura dhe shpenzimet parandaluese për përdorimin e alkoolit dhe duhanit, sesa fitoi nga taksat mbi ato produkte.

Pirja e duhanit i kushton shtetit 156 miliardë euro, thuhet në raport, duke përfshirë vlerën ekonomike të jetëve të humbura, humbjen e cilësisë së jetës për pacientët me kancer të shkaktuar nga pirja e duhanit, dhe shpenzimet shtetërore për parandalimin dhe kujdesin.

Konsumimi i duhanit është gjithashtu shkaku më i rëndësishëm i vdekjeve të parakohshme në Bashkimin Evropian dhe vret rreth 700 mijë njerëz çdo vit. Rreth gjysma e duhanpirësve vdesin para kohe, sipas BE-së.

Shumë vende kohët e fundit janë përpjekur t’i parandalojnë njerëzit nga pirja e duhanit.

Qeveria e Australisë tha se këtë javë do të ndalonte importin e cigareve elektronike njëpërdorimshe, për të parandaluar të rinjtë nga pirja e tyre.

Plani i ri i Francës për luftën kundër duhanit, është në përputhje me trendin e përgjithshëm të përpjekjeve globale për të parandaluar konsumin e duhanit dhe cigareve elektronike. /Telegrafi/

Në trend Botë

Më shumë
Bashkëshorti i ndjerë i la një miliardë dollarë, profesoresha amerikane i dhuron të gjitha për shkollimin falas të qindra nxënësve të kolegjit

Bashkëshorti i ndjerë i la një miliardë dollarë, profesoresha amerikane i dhuron të gjitha për shkollimin falas të qindra nxënësve të kolegjit

Amerika
Shtëpia e Bardhë: Sot vdiqën shumë palestinezë, kërkojmë informacione nga Izraeli

Shtëpia e Bardhë: Sot vdiqën shumë palestinezë, kërkojmë informacione nga Izraeli

Azia
Dukej si një ftohje dhe më pas filloi luftën për jetën: Pse u detyruan mjekët t'ia amputonin këmbët dhe krahët mësueses amerikane

Dukej si një ftohje dhe më pas filloi luftën për jetën: Pse u detyruan mjekët t'ia amputonin këmbët dhe krahët mësueses amerikane

Amerika
Pas vrasjes së mbi 100 palestinezëve nga forcat izraelite, reagon Joe Biden

Pas vrasjes së mbi 100 palestinezëve nga forcat izraelite, reagon Joe Biden

Azia
Pamje nga droni që tregojnë sesi në shumë raste, ushtarët rusë janë dorëzuar në fushëbetejë në Ukrainë

Pamje nga droni që tregojnë sesi në shumë raste, ushtarët rusë janë dorëzuar në fushëbetejë në Ukrainë

Evropa
Odysseus shfaqet duke prekur Hënën

Odysseus shfaqet duke prekur Hënën

Botë
Kalo në kategori