Komisioni Qendror i Zgjedhjeve mund të certifikojë rezultatin përfundimtar të zgjedhjeve parlamentare të mbajtura më 6 tetor, pa pasur nevojë të pres vendimin e Gjykatës Kushtetuese, në rast se në këtë instancë subjektet politike dërgojnë ndonjë ankesë, thonë njohës të çështjeve juridike kushtetuese.
Pas përfundimit të procedurave dhe rinumërimit të votave, sipas vendimeve të Panelit Zgjedhor për Ankesa dhe Parashtresa dhe Gjykatës Supreme, me certifikimin e rezultateve mund të fillojë konstituimi i institucioneve të reja, thonë ekspertët.
Aktualisht, ankesat e subjekteve politike kanë mbërritur vetëm në instancat e Panelit Zgjedhor për Ankesa e Parashtresa dhe Gjykatës Supreme.
Ndërkaq, koalicioni Nisma Socialdemokrate, Aleanca Kosova e Re dhe Partia e Drejtësisë kishte paralajmëruar se do t’i drejtohej edhe Gjykatës Kushtetuese nëse kërkesat e këtij koalicioni nuk trajtohen drejtë nga dy instancat e para.
Profesori i çështjeve juridike kushtetuese, Mazllum Baraliu, thotë për Radion Evropa e Lirë se rezultati përfundimtar, nuk ka nevojë të pres ndonjë ankesë apo vendim eventual të Gjykatës Kushtetuese.
“Sa u përket ankesave, përkitazi me procesin elektoral zgjedhor të 6 tetorit deri në Gjykatën Supreme shkojnë ato. Dhe pasi të përfundojnë ato (ankesat), absorbohen trajtohen, pranohen ose refuzohen dhe kalojnë afatet e caktuara, atëherë Komisioni Qendror i Zgjedhjeve është i detyruar ta bëjë certifikimin e rezultatit dhe nuk është i detyruar të pres ndonjë parashtresë se si do të përfundojë lënda në Gjykatën Kushtetuese”, tha Baraliu.
“Sa i përket procesit ankimor, nga KQZ-ja në PZAP dhe nga PZAP-ja në Gjykatën Supreme, aty përfundohet procedura administrative e trajtimit të çështjeve elektorale dhe ankimeve elektorale. Pra, nuk ka ndikim nëse çështja vazhdohet, sa i përket certifikimit të rezultateve dhe konstituimit të organeve, qoftë atyre legjislative, qoftë atyre ekzekutive në Republikën e Kosovës”, thekson Baraliu.
Ai rikujton se në zgjedhjet e fundit lokale të mbajtura në vitin 2017, ka pasur një ankesë në Gjykatën Kushtetuese, por deri në epilogun përfundimtar të Gjykatës, institucionet e reja janë formuar.
Baraliu rikujton rastin e zgjedhjeve për kryetar të Prishtinës në garën në mes Arban Abrashit të Lidhjes Demokratike dhe Shpend Ahmetit, atëherë kandidat i Lëvizjes Vetëvendosje, kurse aktualisht kryetar i Partisë Socialdemokrate, lëndë kjo që kishte zgjatur me muaj në Kushtetuese, por ndërkohë kishte vazhduar procedura e konstituimit të organeve lokale.
Komisioni Qendror i Zgjedhjeve ka shpallur tashmë rezultatin përfundimtar të zgjedhjeve të mbajtura më 6 tetor.
Rezultati u shpall më 7 nëntor, por ai nuk është certifikuar ende pasi që tani duhet të pritet edhe faza e ankesave dhe shqyrtimeve të tyre.
Pas ankesave të disa subjekteve politike, Paneli Zgjedhor për Ankesa dhe Parashtresa (PZAP) ka vendosur të bëjë anulimin e votave nga Serbia dhe njëherësh të rinumërohen 1472 vendvotime.
Nga Lëvizja Vetëvendosje, është bërë e ditur se tre deputetë të LVV-së kanë bërë ankesë në Gjykatën Supreme kundër vendimit të PZAP-së, pa e specifikuar se për cilin vendim të PZAP-së bëhet fjalë.
Gjykata Supreme, ka kohë 72 orë për të vendosur për ankesat eventuale.
Valmir Elezi, zëdhënës në Komisionin Qendror të Zgjedhjeve thotë se procesi i rinumërimit të votave do të fillojë të mërkurën.
“KQZ-ja ka marrë konfirmimin nga institucioni përkatës se nuk ka ndonjë ankesë që është paraqitur lidhur më vendimin e PZAP-it, që e urdhëron KQZ-në të bëjë rinumërimin e rreth 1500 vendvotimeve”, tha Elezi.
Në bazë të rezultateve përfundimtare të zgjedhjeve nga Komisioni Qendror i Zgjedhjeve, Lëvizja Vetëvendosje ka fituar më së shumti vota, pasuar nga Lidhja Demokratike e Kosovës, Partia Demokratike e Kosovës, koalicioni Aleanca për Ardhmërinë e Kosovës dhe Partia Socialdemokrate e kështu me radhë.
Çështje diskutabile, ndërkaq mbetet nëse koalicioni Nisma Socialdemokrate, Aleanca Kosova e Re dhe Partia e Drejtësisë e kalon pragun prej pesë për qind, për të fituar ulëse gjatë mandatit të ardhshëm të Kuvendit të Kosovës.
Nga komunitetet pakicë, Lista Serbe ka fituar 10 ulëset e garantuara për komunitetin serb, kurse 10 ulëse tjera të garantuara u janë ndarë komuniteteve joserbe. /rel/
Promo
Reklamo këtuLufta Prigozhin - Putin
Më shumëNga Rubrika
Ligji për nënat surrogato në Shqipëri, Shehu: I shtyrë nga grupet kriminale, nëse miratohet do të pasohet nga ligji i martesave homoseksuale
Siljanovska fitoi në 60 komuna, Pendarovski në tre, Osmani në 15, Taravari në dy
Sërish s’ka kuorum për marrëveshjet ndërkombëtare, opozita lëshon sallën
Çka tha diplomati slloven Zhbogar në OKB që u irritua Vuçiqi?
Kërkesat e shumta për dokumente personale, MPB zgjat orarin për ofrimin e shërbimeve - do të punohet edhe të shtunave
Organizatori i protestave anti-Vuçiq në Beograd, Manojloviq: Unë jam gjallë falë besës së shqiptarit
Djegia e shtëpisë dyshohet të jetë shkaktari i vrasjes së djeshme në Pejë – viktima dhe i dyshuari ishin miq
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
KSHZ pas numërimit të 99.85% të votave, Osmani 13.36%, Taravari 9.21%
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën