Estrada Shqiptare çdo herë e më shumë zgjerohet me artistë të rinj që i futen muzikës.
Mirëpo publikimi i projekteve të shpeshta, në të shumtën e rasteve po krijon monotoni te publiku, duke bërë që edhe shija e tyre muzikore t1% jetë gjithnjë në luhatje.
Tregut tonë muzikor nuk i mungojnë talentët, pasi disa prej tyre janë afirmuaredhe jashtë vendit, mirëpo prapëseprapë ka mungesa.
Për Telegrafin, disa prej artistëve vendorë vendosën të prononcohen duke treguar se çfarë sipas tyre nuk shkon me tregun e muzikës në Kosovë dhe Shqipëri, dhe cilat duhet të jenë synimet për përmirësimin e muzikës këtë vit?
Tregut shqiptar i mungon një menaxhment serioz për organizimin e koncerteve, tjerat mendoj se i kemi. Muzika e mirë nuk mungon, artistë të mirë plot, publiku fenomenal! Por prap ka mungesa!
Muzikës nuk i mungon asgjë. Vetëm dashuria, respekti dhe sinqeriteti mes artistëve.
Më pëlqen se vitet e kaluara kanë sjellë artistë të rinj të talentuar, të cilët i kanë kaluar kufijt shqiptarë. Shpresoj se vazhdon edhe viti 2019 kështu dhe muzika shqoi ta pushtojë botën.
Tregut muzikor i mungon ligji për mbrojtjen e të drejtave autoriale i cili nuk funksionon, në praktikë ka mbetur vetëm në letër.
Ka shumë talentë të mirë e të bukur. Shpresoj që kanë me e përdorë talentin e tyre sa më shumë për më e dërgu shoqërinë përpara, e jo mbrapa. Urrejtja, anti-feminizmi, e lufta shpresoj të mos dominojë në shoqërinë tonë.
Tregut tonë muzikor i mungon muzika, kualiteti dhe disa gjëra tjera. Mirëpo, ne duhet të përkushtohemi që të punojmë sa më shumë, pasi si artistë kemi përgjegjësi për gjeneratat e reja. Duhet të sjellim vlera dhe të reflektojmë te ta për mirë, jo të bëhemi shembull i keq.
Ka mungesa, por që sigurisht gjithnjë ka vend për përmirësime. E rëndësishme është që kemi artistë shumë të talentuar në treg. /Telegrafi/
