Fitore bindëse për të djathtën në Greqi, Mitsotakis mbetet kryeministër edhe për një mandat

Partia konservatore greke Demokracia e Re fitoi zgjedhjet parlamentare të djeshme dhe votuesit i dhanë Kyriakos Mitsotakis, një mandat tjetër katërvjeçar si kryeministër.

Konservatorët e Greqisë fituan një fitore në zgjedhjet parlamentare të së dielës, duke siguruar një shumicë të plotë, transmeton Telegrafi.

Partitë e ekstremit të djathtë gjithashtu bënë fitime ndërsa e majta luftoi, duke i dhënë parlamentit të Greqisë prirjen më të djathtë që nga rivendosja e demokracisë në vitin 1974.

Partia Demokracia e Re e Kyriakos Mitskotakis arriti të zgjerojë epërsinë e saj dyshifrore ndaj rivalit të saj kryesor, partisë së majtë Syriza, për të siguruar 158 vende në parlamentin 300-vendësh të vendit, sipas një sistemi të ri zgjedhor që i jep partisë fituese 50 vende bonus.

“Populli na ka dhënë një shumicë të sigurt. Reformat e mëdha do të ndodhin shpejt. Objektivat tona janë të larta dhe duhet të jenë të larta në një mandat të dytë që mund ta transformojë Greqinë me norma rritjeje dinamike, që do të rrisë pagat dhe do të ulë pabarazinë”, tha Mitsotakis pas shpalljes së rezultateve të zgjedhjeve, sipas së cilave siguroi një mandat tjetër kryeministror.

Zgjedhjet vijnë pak më shumë se një javë pasi një varkë emigrantësh u përmbys dhe u mbyt në brigjet perëndimore të Greqisë, duke lënë qindra të vdekur dhe të zhdukur dhe duke vënë në pikëpyetje veprimet e autoriteteve greke dhe politikën e rreptë të migracionit të vendit.

Por fatkeqësia, një nga më të këqijat në Mesdhe në vitet e fundit, nuk ndikoi shumë në zgjedhje, me çështjet e brendshme ekonomike në ballë të mendjeve të votuesve. /Telegrafi/