LAJMI I FUNDIT:

FDA-ja ka miratuar terapinë e kancerit të prostatës të kompanisë “Novartis”

FDA-ja ka miratuar terapinë e kancerit të prostatës të kompanisë “Novartis”

Një terapi e re synon trajtimin e kancerit të avancuar metastatik dhe rezistent ndaj kastrimit PSMA

Administrata Amerikane e Ushqimit dhe e Barnave (FDA) ka miratuar terapinë e kompanisë farmaceutike “Novartis” AG për trajtimin e pacientëve me një lloj kanceri të avancuar të prostatës që është përhapur në pjesë të tjera të trupit, thotë prodhuesi i ilaçeve.

Pluvicto i “Novartisit” është një terapi radioligande e synuar për pacientët e rritur që tashmë u janë nënshtruar trajtimeve të tjera të përdorura në kancer, shkruan Reuters, përcjell Telegrafi.

Pluvicto është një trajtim preciz që kombinon një përbërës të synuar, ose ligand, me një grimcë radioaktive që vret kancerin, kanë thënë nga kompania AAA (Advanced Accelerator Applications), pjesë e grupit “Novartis”.

Pas administrimit intravenoz, radioligandi lidhet me shënuesin ose receptorin e pranishëm në qelizën tumorale, duke ushtruar efektin terapeutik falë radioizotopit, i cili dëmton qelizat tumorale të synuara duke shkatërruar aftësinë e tyre për të replikuar ose duke shkaktuar vdekjen e tyre

Kompania ka thënë gjithashtu se ka dorëzuar një autorizim marketingu për Pluvicto tek Agjencia Evropiane e Barnave dhe autoritetet e tjera shëndetësore.

Novartis tha se janë në vazhdim dy studime të fazës së vonë që vlerësojnë Pluvicto në fazat e hershme të trajtimit për kancerin metastatik të prostatës. /Telegrafi/

Në trend Shëndetësi

Më shumë
Si hahet avokadoja dhe cilat janë përparësitë e saj

Si hahet avokadoja dhe cilat janë përparësitë e saj

Të njohim produktet
Kalo në kategori