Fatmir Besimi: Të gjitha pagat në administratë do të rriten

Të punësuarit që janë të lidhur direkt me çështjet e buxhetit, që është jashtëzakonisht me rëndësi, duhet të kenë vlerësim të duhur, tha mes tjerash ministri i Financave, Fatmir Besimi rreth vendimit për rritje të pagës në administratën e kësaj ministrie.

Besimi tha se me zgjedhjen e fundit ligjore për pagat, sipas rritjes së pagës minimale, vazhdimisht do të rriten edhe pagat tjera.

“Ministri Besimi i rriti pagat vetëm te Financat, nuk është ashtu. Edhe vitin e kaluar e thamë të njëjtën, ne jemi për zgjidhje sistematike. Ashtu gjetëm zgjidhje me pagën minimale, me pensionistët edhe me ligjin për administratorët shtetërorë, ku në mesataren e pagës në të gjithë administratën shtetërore, jo vetëm në Financa, hyn paga minimale, përmirësimi.

Dhe në këtë pjesë më nuk duhen të shqetësohen sindikatat sepse me këtë ndryshim ligjor sigurohet integriteti dhe standardi i të punësuarve në administratë, respektivisht, nga marsi, kur do të ketë përshtatje të pagës minimale, që nga 18.000 do të rritet, për shembull për 2.200 denarë shtesë, domethënë do të bëhet 20.200, fillimisht në administratë nuk do të ketë asnjë nën pagën minimale, por tani të gjithë, jo vetëm të atyre, të gjithë që kanë përshtatur ligjet e tyre me Ligjin për Administratë, do të kenë rritje të pagës për 2.200 denarë”, tha mes tjerash Besimi.