Fansat e Selena Gomez me kritika për filmin e ri “Emilia Perez”: Filmi më fyes i vitit

Filmi më i ri i Selena Gomez, “Emilia Perez”, ka ngjallur debat të madh mes fansave dhe kritikëve.

Muzikali thriller i Netflix, drejtuar nga Jacques Audiard, sjell Gomez në rolin e një gruaje dhe nëne, Jessi Del Monte, por ka përfunduar duke polarizuar publikun.

Disa kritikë në platforma si Reddit e quajtën filmin “më i keqi i vitit”, duke e kritikuar për përdorimin e tropeve të diskutueshme dhe për atë që ata e konsideruan një përshkrim të mërzitshëm të tematikave të ndjeshme si identiteti gjinor dhe kultura meksikane, shkruan DailyMail.

“Ndihesha sikur po shikoja një skemë të keqe të SNL”, komentoi një përdorues.

Në kontrast, në Twitter pati reagime më pozitive, me disa që e vlerësuan filmin si “një simfoni emocionesh” dhe “muzikal i guximshëm dhe prekës”.

Fansat e përshëndetën regjinë e Audiard dhe guximin për të trajtuar tema komplekse, duke lavdëruar origjinalitetin e tij.

“Emilia Perez” duket se ka ndarë publikun në dy fronte: disa që e shohin si një përpjekje të dështuar dhe të tjerë që e cilësojnë një eksperiment artistik mbresëlënës. /Telegrafi/