Faktori njeri dëmton bukurinë natyrore të malit Sharr (Foto)

Të gjithë mburemi me malin Sharr. Është një dhuratë e natyrës dhe duhet të kujdesemi për të. Gjelbërimi, pyjet, kafshët e egra, e bëjnë këtë mal mjaft të pasur. Para disa ditësh, shoqata Ekonatyra kishte hasur akrepin ballkanik në malin Sharr, ndërkaq së fundmi kanë hasur edhe kafshë tjera, njofton Telegrafi.

Përmes kamerave kurth, kjo shoqatë ka pikasur derrin e egër, drerat, ariun, dhelprën, lepurin e malit, kunadhen, e baldozën. Një punë për t’u vlerësuar shumë.

Megjithatë, sa i kushtojmë rëndësi ruajtjes së florës dhe faunës së malit Sharr? Si duket jo edhe aq. Më poshtë do të shihni pamje se si priten drunjtë në malin Sharr, që është një dëm i pallogaritur, jo vetëm për malin Sharr, por edhe për ne që jetojmë përreth tij, pasi që ky mal na jep ajr të pastër që është i shëndetshëm dhe i patjetërsueshëm për organizmin tonë.

Më posht i keni fotot e kafshëve dhe prerjen e drunjve. Shpresojmë që do të ndikojmë paksa në ndërgjegjen e atyre që dëmtojnë malin Sharr, e sidomos atyre që me ligj duhet ta mbrojë dëmtimin e tij. Kontraste në një lajm./Telegrafi/