Evertoni zbulon emrin zyrtar të stadiumit të tyre të ri dhe tifozët e quajnë atë ‘më të keqin ndonjëherë’

Stadiumi i ri dhe spektakolar i Evertonit në Bramley-Moore Dock ka emrin e tij të parë zyrtar që nga sot, dhe tifozët nuk janë aspak të emocionuar.

Stadiumi i ri i Evertonit do të quhet Hill Dickinson dhe emri vjen nga një firmë e suksesshme ligjore tregtare që përfshin 11 zyra në të gjithë Mbretërinë e Bashkuar, Evropë dhe Azi.

Është një kompani nga Liverpuli, e cila kombinon dy institucione nga ky qytet. Evertoni ka njoftuar se kompania Hill Dickinson është bërë partneri zyrtar i të drejtave të emërtimit, kështu që stadiumi i ri do të quhet “Hill Dickinson”.

Evertoni njoftoi se kjo është një nga kontratat më të mëdha në futbollin evropian dhe se klubi dhe kompania kanë një histori të përbashkët që nga themelimi i Evertonit në vitin 1878.

Megjithatë, tifozët janë ende të zhgënjyer me emrin e stadiumit të ri. Edhe pse është një kontratë e pasur, e cila me siguri do të ndikojë në të ardhmen e klubit, fjala Dickinson interpretohet në mënyrë përçmuese në anglisht dhe sipas komenteve në rrjetet sociale, pak veta janë të kënaqur me lëvizjen e klubit dhe shumica kanë frikë se mos e tallnin stadiumin e ri për shkak të emrit të tij.

🚨🔵 𝐎𝐅𝐅𝐈𝐂𝐈𝐀𝐋 | Everton's new stadium will be called the 'Hill Dickinson Stadium' 🏟️✅

They agreed a naming rights deal with a commercial law firm. pic.twitter.com/FZiZSIvvFK

— EuroFoot (@eurofootcom) May 16, 2025

Sigurisht, “forumet” rreth emrit të stadiumit të ri të Evertonit kanë filluar tashmë në rrjetet sociale, dhe tifozët e rivalëve vendas po përpiqen të gjejnë idenë më të mirë për ta “ngacmuar” klubin e Liverpoolit.

Stadiumi Hill Dickinson, hapja zyrtare e të cilit është planifikuar për në gusht të këtij viti, u ndërtua së fundmi dhe ka një kapacitet prej 52,888 vendesh. /Telegrafi/