Era Istrefi, ylli shqiptar i muzikës pop që po e pushton botën (Foto/Video)

V Magazine ka bërë një intervistë me, siç e quan, këngëtaren e sensacionit global “Bon Bon”, Era Istrefi.

E pyetur për ikonat e saja muzikore, ajo përmend Rihannan dhe Lana Del Rey, ndërsa albumin e kësaj të fundit, “Goodies”, e ka pëlqyer shumë.

Aktualisht, ajo thotë se dëgjon albumin James Blake, “The Colour in Anything”, atë të Beyonce, “Lemonade” dhe të Kanye West, “The Life of Pablo”.

Duke folur për turnetë muzikore, Era shprehet: “Akoma nuk e kam pasur rastin që të bëj turne ndërkombëtare, por me përvojën time në vendin tim (Kosova), më pëlqen ndjenja e të qenit në skenë dhe më pëlqen ndërveprimi me fansat e mi”.

Teksa kur është pyetur që ta përshkruajë stilin e saj, këngëtarja thekson: “Kam vendosur që të mos e përcaktoj. Nuk më pëlqejnë etiketimet. Dua të jem kushdo që dua të jem”.

Ajo thotë se nganjëherë ka emocione kur del në skenë, nganjëherë jo, gjithçka varet nga disponimi apo energjia rreth saj. “Me duhet t’ia kujtoj vetes se duhet të qetësohem”, citon Telegrafi fjalët e këngëtares.

“Të shprehesh vetveten e vërtetë, autentike dhe të të duan për atë. Si një performuese, është gjë e mirë se mund ta praktikosh këtë – ndërsa praktika të bën të përsosur”, ky është sqarimi i Erës kur pyetet se cila është gjëja më e mirë e të qenit këngëtare. /Telegrafi/