“Edhe unë jam për bashkim”
Për 28 nëntor, në Prishtinë u inskenua “Zyra e regjistrimit civil” në sheshin “Nënë Tereza” . Ky imazh politik fliste për realizimin e një ëndrre: pajisjen e kosovarëve me pasaportë shqiptare. Shumëkush e përgëzoi idenë, por kishte edhe nga ata që e panë me skepticizëm. Sidoqoftë, kjo skenë u shndërrua në një tendencë për të hapur kufij dhe thyer barriera, për të krijuar platformë të përbashkët shqiptare. Dhe, bëri bujë, madje edhe ngriti çështjen e zyrtarizimit.
Midis këtyre rrjedhave, sikur ta kishte ndjerë thellë valën që na përshkoi të gjithëve, djali im trevjeçar, me thjeshtësinë e fëmijës, ende nuk e largon nga rrobat një emblemë ku shkruan: “Edhe unë jam për bashkim”. Tek ngul këmbë ta vendos në çdo xhaketë që e vesh, deklarimi i tij i pavetëdijshëm “edhe unë jam për bashkim” bëhet i natyrshëm, plotësisht i pranueshëm dhe i zakonshëm.
Ndonëse gjithmonë kam menduar se edukimi i fëmijëve kërkon të jemi të avancuar nganjëherë edhe ta tejkalojmë vetveten, shpesh më kujtohet Scott Pack, i cili thotë: “Fëmijët tanë janë shigjeta të së ardhmes. Ata e duan shigjetarin e mirë dhe shënjestrën e saktë për t’i drejtuar atje ku duhet. Pa u përpjekur t’i diktojmë, t’i bëjmë të na ngjasojnë, apo t’i kuptojmë thellë, duhet ta dimë se fëmijët janë shigjetat e së ardhmes, kurse e ardhmja është ndryshe nga ne, nga koha jonë dhe nga gjithçka e së sotmes….” .
Kjo ma kujton paraqitjen skenike të kosovares Rita Ora, e cila për klipin e xhiruar në Prishtinë “Shine Ya Light” me këtë rast deklaroi: “E kam shkru këtë kangë… when I knew that we needed a light… e kam xhiru në Prishtinë, edhe jam knaq…”. Kështu, duke ju rikthyer përherë vetvetes dhe origjinës së vet ajo përfiton zemrat e të tjerëve dhe krijon një personazh unik për të gjithë, shqiptarë e jo shqiptarë .
Fraza e shkëputur e Scott Pack të kujton përgjegjësinë që e bartim edhe pse ekziston pamundësia për të ndryshuar tendencat e së ardhmes, civilizimit dhe globalizimit. Megjithatë “shigjetari dhe shënjestra e saktë” janë ato që na tregojnë se edukimi i fëmijëve tanë mund të jetë i karakterizuar me elementet e origjinalitetit të vet, gjë që i bën ata të jenë ndryshe, të veçantë, të pakrahasueshëm dhe unikë në botën e shumëllojshme duke jetuar krahas me popujt e tjerë.
Edhe nëse aktualiteti flet për eufori shqiptare, qoftë edhe veç ideologji, e rëndësishme është se tani për tani askush më nuk mund ta ndaloj këtë ideologji të thyej mure, të hap kufij dhe përcaktoj rrugëtime të përbashkëta.
Ne që jetuam në kohën e luftërave e dimë se vetëm vizionarët e fuqishëm i mbijetojnë trysnisë shekullore për zhvlerësim dhe vetëm vizionarët e qëndrueshëm janë ata që dinë të cilësojnë dhe ruajnë vetit e çmuara të identitetit.
Fatmirësisht, kombëtarizimi po bëhet gjë e natyrshme tek fëmijët tanë. Na mbetet ta kultivojmë si duhet pjesën e traditave, kulturës dhe gjuhës. Koha do të punojë në favorin tonë, që duke u nisur nga sublimja, kultura dhe traditat tona, të nxisim krijimin objektiv të një mekanizmi të përbashkët zhvillimor .
Lufta Prigozhin - Putin
Më shumëNgacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zbulohet favoriti i ri për të fituar Topin e Artë 2024: Haaland mbetet mbrapa në garë
Florin Krasniqi kërkon mbi 28 milionë euro dëmshpërblim nga Mali i Zi
A do t'i "shpëtojë" Albin Kurti Asociacionit të komunave me shumicë serbe, flasin analistët
Girona synon transferimin e yllit të Barcelonës si lojtar i lirë në fund të sezonit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre