Ecte 10 kilometra në ditë, por e zgjedh problemin duke ndërtuar një aeroplan personal nga druri (Foto)

Një burrë ishte lodhur aq shumë nga udhëtimi i tij i përditshëm për në punë, sa që ka ndërtuar një aeroplan, për të cilin thotë se i ka kursyer shtatë minuta.

Frantisek Hadrava, kishte ecur çdo ditë 12 deri në 14 minuta në njërin drejtim për në vendin e tij të punës, transmeton Telegrafi.

Por gjatë dy viteve të fundit, ai ka punuar pa ndërprerë në dizajnimin e një fluturakeje për t’i shkurtuar përgjysmë kohën për në punë.

Tani, 45-vjeçari po e bën rrugën për në punë nëpër qiell me shpikjen e tij të cilën e ka emëruar Vampira, pajisje kjo që i ka kushtuar 100 mijë koruna çeke, ose rreth 3.163 funte.

Hadrava nga fshati Zdikov në jugperëndim të Çekisë, fluturon mbi malet Sumava për të arritur në vendin e tij të punës në fabrikën Drevostroj në Ckyne, që merret me prodhimin e veglave të makinave për industrinë pyjore, ku ndërrimi i tij fillon në 6 të mëngjesit.

Vampira është një aeroplan me peshë shumë të vogël i bazuar në aeroplanin amerikan Max që gjithashtu ka peshë të vogël, dhe ky nuk është aeroplani i parë që Hadrava e ndërtoi.

Hadrava thotë se fluturakja që është pothuajse e ndërtuar e tëra nga druri, fluturon me benzinë dhe shpejtësia maksimale e saj është 125 kilometra në orë dhe shpenzon 6 litra në 100 kilometra.

Ai tashmë ka ndërtuar një aeroplan tjetër të bazuar në aeroplanin gjerman Fokker Dr I nga Lufta e Dytë Botërore.

Frantisek thotë se falë kësaj shpikje ka arritur të përgjysmoj kohën e rrugës, që deri më tani i janë dashur 12 deri në 14 minuta për në njërin drejtim.

“Me aeroplan më nevojiten 4 deri ne 5 minuta që të shkojë në punë, por shpesh fluturojë ulët që të “bezdisi” qytetarët e mi në mëngjes, për këtë nganjëherë më nevojiten 7 minuta”, ka shtuar ai.

Hadrava nuk e ka ndërmend të ndalë punën e tij në krijimin e pajisjeve të reja, pasi planifikon të aeroplanin francez Deperdussin. /Telegrafi/