E përsërit rektori Dema: Për UP-në është privilegj ligjërimi nga kryeministri

Rektori i ri i Universitetit të Prishtinës, Marjan Dema, në “Interaktiv” të KTV-së, ka thënë se do të vazhdojë të thotë se është privilegj për Universitetin e Prishtinës, që të ligjërojë kryeministri i Kosovës, apo edhe ministra të ndryshëm.

Dema vë theks te ajo që ka thënë se e respekton institucionin e Kryeministrit apo Ministrit, e jo personat që janë aty.

“Privilegj që ta kemi në universitetin tonë kryeministrin, kryetaren e Gjykatës Kushtetuese. Ne nuk i gëzohemi një luleje në dritare, e ëndërrojmë një lule në fund të botës”, ka thënë Dema, kur është pyetur më pas se a është kryeministri lulja në dritare, ai ka thënë se “është institucioni i kryeministrit e jo personi dhe e vlerësoj atë”, ka thënë Dema. Ndërsa për kontrollin e tij, ai ka thënë se këtë do ta bëjë dekani i fakultetit përkatës,, transmeton Koha.net.

Prioritet kryesor për rektorin Dema është stabilizimi i gjendjes në UP, pasi që nuk ka qenë një gjendje e tillë më herët. Ai ka thënë se do të bëj një prerje, pas së cilës të kaluarën do t’ia lë të kaluarës, e të ardhmen të ardhmes, duke vënë theks të veçantë te mungesa e komunikimit më herët mes organizmave brenda UP-së.

Rektori i ri ka thënë se ka filluar të punohet në një softuer për kontrollimin e profesorëve në ligjërata. Ndërsa për sigurinë e këtij softueri, ai ka thënë se “kompetencat kanë kaluar tek dekanët e fakulteteve, edhe pagat do të nënshkruhen nga ata.