Ish-deputeti i Partisë Demokratike të Kosovës, Gani Koci ka përgënjeshtruar se ka qenë i përfshirë në ndonjë incident sot gjatë ditës në fshatin Polac.

Reklama

Ekipi i kandidatit për kryetar të Skenderajt, Bekim Jashari para disa minutave kanë lëshuar një komunikatë për media duke thënë se Gani Koci ka provokuar një incident me një person në vendvotimin e fshatit Polac dhe se atë e kanë shoqëruar në Polici.

Në një komunikatë për media Lista e Pavarur Bekim Jashari “Ideal për Skenderajn” ka akuzuar  ish deputetin Gani Koci  se ka kërcënuar asistentin e qendrës së votimit në Polac, Mentor Koca,

“Në fshatin Polac ka ndodhur një incident mes ish deputetit të PDK-së, Gani Koci, dhe asistentit të qendrës së votimit Veton Koca.

Reklama
Reklama

Deri tek incidenti ka ardhur pasi që ish deputeti Koci, ka provokuar dhe ofenduar z. Mentor Koca duke e quajtur tradhtar që po përkrah familjen Jasharin dhe se sipas tij ai e ka bërë me shtëpi”, thuhet në komunikatë.

Por një gjë të tillë e ka mohuar Koci.

“Ajo është rren e kulluar, absolut nuk ka kurrgjë të vërtetë aty. Kanë qenë edhe forcat e rendit afër vendvotimit, prandaj është një rren e kollume. Nuk më ka shoqëruar kurrkush për në stacion, jam tu pi kafe midis Skenderaj”, tha Gani Koci për Kallxo.com.

Se pse ka qëndruar në Polac në atë moment, Koci tha se ka e dërguar dikë për të votuar.

Reklama

“Nuk kam pas me votu këtu, vetëm kam pas me dërgu dikë për me votu”, tha ai.

Reklama

Patrulla të Policisë së Kosovës ka shkuar në vendvotimin ku supozohet të ketë ndodhur incidenti.