E akuzoi Johnny Depp për dhunë në familje dhe shpalosi detaje tronditëse në gjyq – Amber Heard u arrestua më parë për shkak se goditi në aeroport ish-partneren Tasya van Ree

Një video e aktores Amber Heard që përballet me akuzat për dhunë në familje me ish-partneren e saj, Tasya van Ree, u rishfaq këtë javë mes gjyqit me ish-bashkëshortin e saj, Johnny Depp.

Videoja, e cila u shikua mbi 130 mijë herë, tregoi Heard duke dëshmuar për këtë çështje më 13 gusht 2016, në të njëjtin vit që aktorja paraqiti kërkesën për divorc nga Depp. Është e paqartë nëse dëshmia ka ndodhur gjatë një seance gjyqi në lidhje me Depp në atë kohë.

Pamjet tregojnë aktoren duke iu përgjigjur pyetjeve në lidhje me abuzimin fizik të fotografes Van Ree ndërsa ato ishin bashkë. Aktorja amerikane u pyet gjatë dëshmisë së saj në vitin 2016 nëse ishte “arrestuar më parë për dhunë në familje” kundër Van Ree.

Pyetja vjen nga një debat i Amber me ish-të dashurën e saj në një aeroport në 2009, më pas u arrestua pasi dyshohej se goditi Van Ree në krah, sipas një raportimi të USA Today në 2016.

Megjithatë, Van Ree bëri një deklaratë duke pretenduar se incidenti ishte “keqinterpretuar” dhe se Heard u akuzua “gabimisht”.

Lexo po ashtu Kush janë ish-partnerët e Amber Heard?

“Është dëshpëruese që integriteti dhe historia e Amberit po vihen në pikëpyetje sërish. Amber është një grua brilante, e ndershme dhe e bukur dhe unë kam respektin maksimal për të. Ne ndamë pesë vite të mrekullueshme”, vazhdoi deklarata e Van Ree.

Heard u arrestua nga policia e Portit of Seattle më 14 shtator 2009, pas incidentit, autoritetet në Aeroportin Ndërkombëtar Seattle-Tacoma në Washington konfirmuan për USA Today në 2016.

Ndërkaq, policisë iu kërkua në nëntor 2011 të fshinte informacionin e arrestimit.

Më pas, informacioni u hoq nga sistemi, tha zëdhënësi i Sea-Tac Airport, Perry Cooper për USA Today. Cooper nuk deklaroi se kush e bëri kërkesën.

https://www.youtube.com/watch?v=L8vJoUQpbXI&ab_channel=FilmStreak

Heard më vonë tha se “nuk kishte dhunë në familje brenda asaj marrëdhënieje [me van Ree] dhe shteti i Washingtonit, ku u arrestova, hoqi menjëherë akuzat sepse ata dinin saktësisht të njëjtën gjë që sapo ju thashë, që nuk ka pasur ndonjëherë dhunë në familje dhe ish-partnerja ime e ka deklaruar këtë”.

Depp ngriti një padi prej 50 milionë dollarësh kundër Heard, të cilën e akuzoi për një shkrim të bërë në 2018 në Washington Post. /Telegrafi/

https://www.youtube.com/watch?v=avkddR81cGI&ab_channel=IncrediblyAverage