Dyshohet se u përfshi në aferën e ryshfetit, deklarohet zëvendësministri Veliji: Jam njeriu më i pastër në botë

Një hulumtim i nisur muaj më parë pas një denoncimi publik ka zbuluar se zëvendësministri i Zhvillimit Rajonal, Almir Veliji, dyshohet se është përfshirë në një aferë ryshfeti. Policia tashmë po merret me rastin.

Portali Insajderi solli audio-incizimin, i cili dëshmon përfshirjen e tij në këtë aferë për një grant qeveritar prej dhjetëra mijëra eurosh.

Ppr këtë po e mohon vet zëvendësministri Veliji. I kontaktuar nga Insajderi ai ka thënë se ndjehet njeriu më i pastër në botë.

Ai rastin e cilësoi si lojë politike që po bëhet ndaj tij ndërkohë që bën thirrje që rasti të hetohet.

“Jam njeriu më i pastër dhe më i lumtur dhe do të jap kontribut për qytetarët, kurrë në jetën time kurrkujt si kam marrë një cent. Nëse 1 cent i kam marrë dikujt, unë veç shkojë në burg. E këto lojëra politike nga prapa që i bën dikush është Policia është Prokuroria le ta çojnë rastin deri në fund sepse unë nuk mundem me dhënë më intervista se qeshtu ka ndodhur edhe para 2 muajve. Organet e drejtësisë le të merren me rastin, unë jam njeri më i pastër në botë”, ka deklaruar Veliji.

Zëvendësministri Veliji, i emëruar nga kryeministri Albin Kurti, në audio-incizimet e siguruara nga Insajderi që janë deponuar edhe në Policinë e Kosovës, flet për një grant qeveritar prej dhjetëra mijëra eurosh.

Audio-incizimi që e ka siguruar Gazeta Insajderi tashmë është në posedim edhe nga Policia e Kosovës që po e hetojnë këtë rast.