LAJMI I FUNDIT:

Dyshohet se domatet e importuara nga Shqipëria përmbajnë sasi të hormoneve, AUV në pritje të rezultateve laboratorike

Dyshohet se domatet e importuara nga Shqipëria përmbajnë sasi të hormoneve, AUV në pritje të rezultateve laboratorike

Domatet e importuara nga Shqipëria, po dyshohet se përmbajnë sasi të larta të hormoneve, të cilat janë të rrezikshme për shëndetin e njeriut. Për të konfirmuar nëse kjo është e vërtetë, Agjencia e Ushqimit dhe Veterinarisë ka dërguar disa mostra në laborator dhe është në pritje të rezultateve të tyre.

Kështu ka thënë për Telegrafin, zëdhënësi i AUV-it, Lamir Thaçi përmes një përgjigje me shkrim.

“Si AUV kemi marrë masa shtesë të kontrollit, me theks të veçantë kontrollin e domateve me origjinë nga Shqipëria. Përveç kontrollit të rregullt dhe analiza rutionre, në këtë rast janë marrë mostra /kampione përfaqësuese të regjioneve të caktuara prodhuese prej nga importohen këto produkte, të njëjtat janë dërguar në laboratorë jashtë vendit me qellim testimi në kontaminuës kimik/mbetje të pesticideve (Përcaktimi  i nivelit maksimal të mbetjeve-MRL në produkt) . AUV është  në pritje të rezultateve të testeve laboratorike të mostrave zyrtare të dërguara. Pas pranimit të rezultateve të testeve analitike, varësisht nga gjetjet do të merren veprime/masa zyrtare”, ka thënë Thaçi.

Agjencia e Ushqimit dhe Veterinarisë, në nivel vendi në aspektin e përgjithshme të kontrollit të shëndetit  bimor dhe sigurisë ushqimore,  kryesisht  bashkëpunon me laboratorë të autorizuar dhe kontraktuara në nivel shtetëror, siç janë:  Instituti kombëtar i Shëndetësisë Publike-IKSHPK, Instituti Bujqësor i Kosovës- IBK,  dhe Laboratorin e Ushqimit dhe Veterinarisë-LUV.

“Mirëpo për teste specifike mostrat zyrtare për raste të veçanta dërgohen për testim me metoda konfirmative qoftë në vende të rajonit apo në ndonjë vend të BE-së”, u shpreh Thaçi.

Ai ka shtuar se të gjitha produktet që kanë qëllim final tregun e Kosovës duhet të jenë produkte të certifikuara, për çka përmes dokumentacionit adekuat shoqërues te lëshuar nga autoriteti  kompetentë i vendit eksportues/prodhues marrim dëshmi/garanca që produktet janë në harmoni me kërkesat ligjore.

“Kjo arrihet bazuara në kontrolle zyrtare përmes te cilave kryhet monitorimi i vazhdueshme ne vendin e prodhimit. Përveç kësaj hallk tjetër e kontrollit është kontrolli direkt në import. Pas përfundimit të të gjitha fazave te kontrollit, nëse gjithçka është në përputhje me rregullat, produkti lejohet të dal në treg për qarkullim dhe konsum”, u shpreh më tej Thaçi për Telegrafin.

AUV bëri të ditur se përveç kontrolleve zyrtare ( plan me bazë risku), pa dyshim se si  burime të informacioneve, në rrugë zyrtare që kemi, pranojmë  njoftime për çdo produkt qe paraqet dyshim apo rrezik për konsumatorin-notifikime përmes RASFF.

“Agjencia e Ushqimit dhe Veterinarisë (AUV), në shërbimet e kontrollit kufitare, kryejnë kontrollin e produkteve bazuara në listën e mallrave për kontrolle të detyrueshëm, listë  që është e harmonizuara me Kodin Tarik- Doganor. Pemët dhe perimet i nënshtrohen kontrollit te detyrueshëm të inspektoratit fitosanitar të AUV-së. Proceduarat doganore/zhdoganimi nuk mund të kryhet pa kryerjen e kontrolleve paraprake nga ana e AUV-së”, thuhet më tej në përgjigjen e Thaçit.

Zëdhënësi i AUV-it më tej ka theksuar se fazat e kontrollit inspektuese janë: Kontrolli dokumentar, Kontrolli i identitetit dhe Kontrolli fizik  (duke përfshirë edhe marrjen e mostrave).

“AUV bën vlerësimin/kontrollin  e produkteve në aspektin e  sigurisë ushqimore, ndërsa vlerësimet në aspektet  sasiore janë kompetencë e autoriteteve tjetra shtetërore, Doganës së Kosovës –DK”, tha Thaçi. /Telegrafi/

Në trend Ekonomi

Më shumë
Mustafa, Rrustemit: U mundove me thanë që LVV e pa korruptuar, por kryeshefi i KEK-ut që e keni emëruar u arrestua për korrupsion e kontrata njëburimore

Mustafa, Rrustemit: U mundove me thanë që LVV e pa korruptuar, por kryeshefi i KEK-ut që e keni emëruar u arrestua për korrupsion e kontrata njëburimore

Ekonomi
Kontratat njëburimore, Tahiri përplaset me Kusari-Lilën: Dëgjoni, mos u bëni të pasjellshëm

Kontratat njëburimore, Tahiri përplaset me Kusari-Lilën: Dëgjoni, mos u bëni të pasjellshëm

Ekonomi
Gjatë shkurtit mërgata dërgoi në Kosovë rreth 88 milionë euro

Gjatë shkurtit mërgata dërgoi në Kosovë rreth 88 milionë euro

Ekonomi
Ku janë banesat më të shtrenjta në Evropë dhe sa janë të gatshëm të shpenzojnë njerëzit?

Ku janë banesat më të shtrenjta në Evropë dhe sa janë të gatshëm të shpenzojnë njerëzit?

Botë
Hausmeister - Superheroi i munguar i banesës tënde

Hausmeister - Superheroi i munguar i banesës tënde

Hausmeister
Abonohu në Shqip.ai - Zbulo pakot e reja të çmimeve

Abonohu në Shqip.ai - Zbulo pakot e reja të çmimeve

Ekonomi
Kalo në kategori