Dyshime të forta se shorti i Ligës së Kampionëve u manipulua

Tifozët e futbollit mendojnë se ekziston një teori konspirative në lidhje me shortin e çerekfinales dhe gjysmëfinales së Ligës së Kampionëve, me skuadrat italiane që përfitojnë nga ajo.

Hamit Altintop dhe Patrick Kluivert u ngarkuan të tërhiqnin topat nga një tas për të vendosur se cila nga tetë skuadrat e mbetura do të luanin me njëri-tjetrin në kompeticionin më të mirë të klubeve evropiane.

Kishte shumë intriga, me katër skuadra të spikatura si Manchester City, Bayern Munich, Real Madrid dhe Napoli, që cilësohen si favoritë.

Lexo po ashtu Anglezët dyshojnë se UEFA rregulloi shortin në të mirë të klubeve italiane

Ndërsa tifozët e Cityt nuk do të kishin qenë të kënaqur të shihnin që Bayerni të vihej përball tyre në çerekfinale, pavarësisht se eliminuan një ekip të Bundesligës të martën, ata mund të jenë mërzitur edhe më shumë kur shihnin se mund të takohen me Realin në gjysmëfinale.

Los Blancos do të vazhdojnë mbrojtjen e titullit të tyre evropian kundër Chelseat në çerekfinale, të cilin e mundën në të njëjtën fazë vitin e kaluar.

Kjo do të thoshte se ana tjetër e shortit ishte e mbushur me skuadra të Serisë A, pasi Interi do të ketë punë me Benfican dhe Napoli është me Milanin.

Lexo po ashtu Mësohen përballjet e mundshme në gjysmëfinale të Ligës së Kampionëve - skuadrat italiane me shumë fat

Shorti tregon se një skuadër italiane është e garantuar të jetë në gjysmëfinale, ndërsa një tjetër ka një shans të mirë, duke i dhënë atyre një shans 3/4 për të kaluar në finale dhe tifozët besojnë se nuk ishte një rastësi.

“Ata sapo kanë futur direkt një ekip të Serie A në finalen e Ligës së Kampionëve. Më thuaj se nuk është e manipuluar” shkroi një tifoz, ndoshta duke harruar që Benfica është nga Portugalia.

Një tifoz shumë optimist i Chelseat shtoi: “Djema, cilat janë gjasat që kjo të ndodhë atëherë? Si ndodh që Napoli të ketë skuadra të lehta (skuadra që të gjithë duan t’i kenë përballë) dhe katër më të vështirat janë kundër njëri-tjetrit?! Duhet të jetë një short i manipuluar”.

Lexo po ashtu Hidhet shorti për çerekfinalet e Ligës së Kampionëve, përballje shumë të forta

“Është fjalë për fjalë kaq e manipuluar që Napoli të fitojë”, pohoi një i tretë.

Duke vazhduar më tej, një tjetër shkroi në Twitter: “Të arrish në gjysmëfinale duke mposhtur Porton dhe Benfikën ose Frankfurtin dhe Milanin është një çmenduri. Ata vërtet e manipuluan atë në mënyrë që tifozët e Serisë A të pushonin së qari për t’u quajtur një ligë e nivelit B”. /Telegrafi/

have you ever seen a draw look more rigged? look at the italian teams, they got the easy games of the quarter and now semi finals lmao pic.twitter.com/nHr7j2vb5J

— Splashy💧🌟 (@FearSplashy) March 17, 2023