Dy ekipet shqiptare BLINK dhe XTEAM kanë udhëtuar për në Zagreb për turneun Adria CS:GO

Pasi siguruan gjysmëfinalen përmes fazës online, tani dy ekipet shqiptare kanë udhëtuar për në Zagreb të Kroacisë, ku do të garojnë me dy ekipet tjera të Ballkanit për një grup çmimesh prej 10.000 euro.

Nesër (e premte) do të zhvillohen dy ndeshjet e ekipeve shqiptare në sallën e lojërave në Zagreb, BLINK do të përballet me ekipin 4Glory ndërsa XTEAM do të përballet me ekipin MONAD, të dy ndeshjet do të zhvillohen në formatin ‘Bo3’.

Team BLINK is here! 🇭🇷🛬@EsportAdria #teamblink #ekipaguri 💪🏼 pic.twitter.com/HLij8qN9qm

— TEAM BLINK (@TeamBLINK_) July 28, 2022

Edhe pse dy ekipet shqiptare janë favorite për ta fituar turneun, në rast të humbjes nesër, do të kenë edhe një mundësi tjetër nga ‘Lower Bracket’.

Leaving for leMONADes in Zagreb🇭🇷
@xteamrks pic.twitter.com/J73YhllHMV

— Ismail (@ismailjupolli) July 28, 2022

Ekipi me renditjen më të mirë nga katër ekipet pjesëmarrëse është ekipi XTEAM, të cilët renditen në vendin e 88 –të të ranglistës botërore të CS:GO.

Të dy ndeshjet do të transmetohen në kanalin zyrtar të EsportsAdria, si dhe në kanalin e streamerit zyrtar të ekipit BLINK, Ermir “MiryAlbania” Dunga.

Orari i ndeshjeve, e premte

12:00 BLINK – 4Glory
15:00 XTEAM – MONAD

/Telegrafi/