Dua Lipa publikon fotografi të tjera nga prapaskenat e filmit “Barbie”, në të cilin ka një rol 30 sekonda dhe thotë vetëm 16 fjalë

Dua Lipa bëri një buzëqeshje të gëzuar teksa pozoi në një fotografi nga prapaskenat kur iu bashkua yjeve të saj të filmit “Barbie” në një fotografi të re në Instagram të shpërndarë të premten.

Interpretuesja e hitit “New Rules”, 27 vjeçe – e cila ka vetëm ’30 sekonda pjesëmarrje’ në filmin e fundit të regjisores Greta Gerwig, shkrepi fotografinë e përbashkët në premierën e filmit në Los Angeles, që u zhvillua në fillim të këtij muaji.

Këngëtarja mund të shihej duke qëndruar pranë Kate McKinnon, Margot Robbie dhe gjithashtu America Ferrera ndërsa grupi i emocionuar ndaloi të bënte fotografinë me artisten shqiptare, shkruan DailyMail.

Ajo mund të shihej e veshur me një fustan të tejdukshëm argjendi me zinxhir, ndërsa shokët e tjerë të aktores ishin të gëzuar për mbrëmjen speciale përpara publikimit të filmit më 21 korrik.

Ylli shtoi imazhe të tjera në karuselin e Instagramit, të tilla si ‘selfie’ të ndryshme.

Së bashku me paraqitjen e veçantë si ‘Mermaid Barbie’ në komedinë fantazi, e cila u shfaq në kinema të premten, Dua pati gjithashtu mundësinë të bënte muzikë për kolonën zanore të filmit “Barbie”.

Kënga “Dance The Night”, është kolona zanore kryesore, dhe zyrtarisht u hodh në treg disa muaj më parë më 25 maj.

Artistë të tjerë muzikorë gjithashtu shfaqen në album, si: Ava Max, Ice Spice, Lizzo, Nicki Minaj, Billie Eilish. Ryan Gosling, i cili luan Kenin në filmin “Barbie”, do të shfaqet gjithashtu në kolonën zanore me një këngë të quajtur, “I’m Just Ken”.

Mark Ronson ishte veçanërisht producent ekzekutiv në albumin e kolonës zanore dhe gjatë një interviste me The Upcoming në premierën në Londër më 12 korrik, Dua zbuloi se ai e kishte ndihmuar atë të luante një rol të vogël në film.

Pasi bashkëpunoi në “Dance The Night”, ajo u pyet nga regjisorja dhe bashkë-skenaristja e filmit, Greta Gerwig, e cila i kishte thënë Lipës: “Do të doja shumë që të ishe sirenë Barbie?”, me përgjigjen e këngëtares, e cila ishte: “Po! Absolutisht.’

“Ishte vetëm një xhirim kaq argëtues, më pëlqeu. Dua të them, nuk mund të isha më e lumtur me karakterin tim”, tha këngëtarja e hitit “One Kiss”.

Sipas The Sun, koha e Dua Lipës në ekran ishte mjaft e shkurtër dhe ajo u shfaq vetëm ’30 sekonda gjatë gjithë filmit’. Media raportoi gjithashtu se ajo foli ‘gjithsej 16 fjalë’ gjatë gjithë filmit.

Filmi “Barbie” nuk është hera e vetme që fansat mund ta shohin interpretuesen të marrë një rol aktrimi.

Ajo gjithashtu është planifikuar të shfaqet në filmin e ardhshëm të zhanrit thriller, “Argylle”, së bashku me Henry Cavill, i cili do të publikohet në shkurt të vitit 2024. /Telegrafi/