Dritat në zyrën e drejtorit ekzekutiv të rregullatorit Ofgem u fikën derisa ai po përpiqej të siguronte britanikët për tejkalimin e krizës së gazit që po afrohej.

Sipas mediave britanike, përcjell Telegrafi, Jonathan Brearley “u zhyt” në errësirë ndërsa i dha dëshmi një komiteti të zgjedhur të Commons përmes një lidhjeje video.

Ai ishte përpjekur t’u shpjegonte deputetëve se Mbretëria e Bashkuar ka një nga rrjetet më të sigurta dhe më elastike të furnizimit me gaz dhe energji elektrike në botë, mes frikës së mungesave të mundshme të energjisë gjatë dimrit.

Por, teksa përgjigjej një pyetjeje për kompanitë e energjisë, Brearley kishte shkurtimisht probleme më të menjëhershme të furnizimit me energji.

Brearley tha se ndërprerja e tij e përkohshme nuk ishte e lidhur në asnjë mënyrë me rritjen e kostove të energjisë, por në vend të kësaj një sensor automatik i ka fikur dritat sepse ai nuk kishte lëvizur sa duhet. /Telegrafi/