Drenusha Latifi përlot me rrëfimin: Ish-bashkëshorti më ka rrahur edhe në sy të nënës time

Këngëtarja e njohur shqiptare, Drenusha Latifi, ka rikthyer thellësitë e rrëfimeve tronditëse në lidhje me periudhën e dhunës fizike të ushtruar ndaj saj nga ish-burri i saj, Atilla Kardesh.

Në një intervistë të fundit në emisionin “Kosova Today”, ajo ka bërë të ditur detaje të paparë mbi momentet e vështira të cilat i ka përjetuar në prani të fëmijëve të tyre.

Gjatë intervistës, Drenusha Latifi është pyetur drejtëpërdrejtë në lidhje me situatat kur bashkëshorti i ka ushtruar dhunë fizike.

Lexo po ashtu Tronditëse: Drenusha Latifi zbulon fotografitë që dëshmojnë dhunën fizike të ushtruar nga ish-bashkëshorti

Përgjigjja e saj është një rrëfim tronditës, ku ajo ka shpërndarë detaje të tmerrshme. “Unë kam pësuar dhunë fizike në praninë e nënës time. Para nënës time më ka rrahur, edhe më keq”, ka thënë këngëtarja, duke hedhur dritë mbi një aspekt të errët të jetës së saj.

Drenusha Latifi ka vazhduar të rrëfejë se ka pasur momente kur ish-burri i saj ka ushtruar dhunë në mënyra të tmerrshme. “Ka pasur momente kur më ka futur në banjo që të mos më shohin fëmijët”, ka thënë ajo, duke përshkruar një realitet tronditës përpara syve të audiencës.

Intervista e shqetësuese ka shkaktuar reagime të forta në rrjetet sociale, duke nxjerrë në pah një çështje të ndjeshme të shoqërisë.

Drenusha Latifi ka shfaqur guxim dhe sinqeritet për të ndarë këto momente të vështira të jetës së saj, duke ngritur zërin për viktimat e dhunës në familje dhe duke theksuar rëndësinë e ndërgjegjësimit shoqëror përballë kësaj realiteti të hidhur. /Telegrafi/