Drejtuesit e dy kompanive publike, KEK-ut dhe Ujësjellësit Rajonal Prishtina mbeten të shqetësuar nga debati i fundit për shkëmbim të territoreve me Serbinë. Këto dy kompani dhe fabrika Ferronikeli furnizohen drejtpërdrejt me ujë nga liqeni i Ujmanit, dhe asnjëra prej tyre nuk mund të funksionojë pa këtë ujë.
Për këtë drejtori i përgjithshëm i Ujësjellësit Rajonal Prishtina, Ilir Abdullahu kërkon që liqeni i Ujmanit të ruhet, sepse është pjesë e Kosovës, por gjithashtu thotë se nuk ka asnjë alternativë tjetër për furnizim me ujë në fabrikën e Shkabajt e cila ka kushtuar hiq më pak se 32.5 milionë euro, mjete këto të taksapagueseve kosovarë, nga Komisioni Evropian dhe Banka Gjermane.
Ai ka thënë për KosovaPress se rëndësia e Ujmanit për kompaninë, shtetin, por edhe për popullatën është shumë e madhe, sepse bënë furnizimin me ujë për Mitrovicë, Skenderaj, Drenas dhe tash pjesën e Prishtinës.
Mirëpo, përveç furnizimit me ujë të pijes që bënë për konsumatorë të shumtë, liqeni i Ujmanit bënë edhe furnizimin industrial për termoelektranat e dhe për Ferronikelin, njëkohësisht shërben edhe për ujitjen e mijërave tokave bujqësore në vend.
“Ky liqe është pasuri e Kosovës dhe ashtu duhet edhe të mbetet”, ka thënë Abdullahu.
Drejtori i Ujësjellësit ka theksuar se tema për shkëmbim territoresh është shqetësuese, sepse kjo kompani tash për tash merr 500 litra ujë në sekondë nga liqeni Ujmanit.
Abudllahu ka thënë se fabrika e ujit në Shkabaj me ujin e Ujmanit ka zgjidhur problemin e ujit të pijshëm në Prishtinë dhe më gjerë.
Ndërsa, Skënder Bucolli drejtor në Zyrën për Marrëdhënie me Publikun dhe Komunitetin në Korporatën Energjetike të Kosovës (KEK) ka thënë për KosovaPress, se liqeni i Ujmanit ishte ndërtuar për furnizim me ujë këtë korporatë dhe pa këtë liqe nuk mund të funksionojnë termocentralet e KEK-ut.
“Na lejoni të ju njoftojmë se sa i përket furnizimit të përhershëm të TC Kosova B dhe gjatë periudhave verore të TC Kosova A me ujë, KEK ka kontratë me Iber Lepencin për furnizim me ujë nga liqeni artificial i Ujmanit. Përndryshe, Termocentralet nuk mundë të funksionojnë pa ujë, ndërsa mundësia e vetme reale për furnizim të TC Kosova B është liqeni Ujmanit, i cili edhe ishte ndërtuar për atë destinim”, ka thënë Bucolli.
Ujësjellësi Prishtina dhe KEK-u janë të kontraktuar për shërbimin e ujit me Ndërmarrjen Hidroekonomike “Ibër Lepenc”, por zyrtarë të kësaj të fundit edhe pse janë kontaktuar nga KosovaPress nuk janë përgjigjur lidhur me këtë temë.
Drejtori i Ujësjellësit, Ilir Abdullahu ndër të tjera ka thënë se liqeni i Ujmanit, është një ndër pasuritë më të mëdha të Kosovës, ku janë 9.2 kilometra katrorë të pasqyrës së ujit apo të sipërfaqes së liqenit që gjendet në territorin e Kosovës, ndërsa 2.7 kilometra janë në pjesën e Serbisë.
Promo
Reklamo këtuLufta Prigozhin - Putin
Më shumëQUINT-i dhe BE-ja reaguan për moslejimin e vizitës së tij, Musliu publikon deklaratën e partiarkut serb ku dezinformon rreth Kosovës
Bislimi e cilëson të dështuar takimin për dinarin në Bruksel
Nënsekretarja amerikane në Beograd, thekson rëndësinë e përparimit drejt normalizimit të marrëdhënieve Kosovë – Serbi
PDK i hap rrugë kalimit të marrëveshjeve ndërkombëtare, zotohet se do t’i votojë në Kuvend
Aksident me vdekje në Rrugën e Kombit, arrestohet 27-vjeçari nga Prishtina
Ministria e Jashtme e Shqipërisë thërret ambasadorin serb, kërkohen sqarime për deklaratat e Vulinit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3