Deputetja e AAK-së, Donika Kadaj-Bujupi nuk thotë se vetëm ka sakrifikuar për qytetarët e Kosovës kur votoi për kalimin e Marrëveshjes për Shënjimin e Kufirit me Malin e Zi, në Kuvendin e Kosovës. Ajo shprehet se prapa vendimit të saj për të votuar demarkacionin qëndrojnë edhe dy arsye të tjera: Raporti i Bulliqit dhe marrëveshja mes presidentëve.
“Raporti Bulliqi dhe marrëveshja e arritur megjithatë lënë hapësirë për përmirësimin e marrëveshjes së 2015-tës”, ka thënë Kadaj-Bujupi në një përgjigje me shkrim për Insajderin, teksa ka shpjeguar arsyet pse ndërroi e qëndrimit lidhur me demarkacionin.
“Edhe pse përgjatë tri viteve të fundit jam arrestuar dhjetëra herë e kam dhjetëra aktakuza, nevojat e mësipërme të popullit të Kosovës e veçanërisht mundësia e përmirësimit të gabimeve eventuale të marrëveshjes së re legjitimojnë këtë mundësi të re për zgjidhjen e problemeve që po e mbajnë peng me vite Kosovën”, ka thënë ajo.
Ish-deputetja e Lëvizjes Vetëvendosje kishte kundërshtuar për tri vite marrëveshjen për demarkacionin me Malin e Zi, të nënshkruar nga ish-ministri i Punëve të Jashtme Hashim Thaçi dhe homologu i tij malazez Sërgjan Darmanoviq në vitin 2015.
Madje, tashmë deputetja e AAK-së kishte hedhur gaz lotsjellës në Kuvendin e Kosovës për të kundërshtuar këtë marrëveshje. Për këtë i ishte shqiptuar edhe një dënim nga Gjykata Themelore e Prishtinës.
Por, Kadaj-Bujupi shprehet se “sot është një moment i ri”, e sipas saj, nuk është më koha për të përdorur gazin lotsjellës.
“Në retrospektivë, kemi parë se gazi asokohe e ka ndaluar marrëveshjen e dëmshme të demarkimit të kufirit me Malin e Zi. Sot, jemi në një moment të ri”, deklaroi Kadaj-Bujupi.
“Kosova sot ballafaqohet me probleme të shumta e shumë bazike”.
Pas tre vitesh bllokim në çështjen e kufirit me Malin e Zi, Kadaj-Bujupi thotë se ka ardhur koha që institucionet shtetërore të fokusohen në çështje të tjera; çështje të cilat prekin direkt jetët e qytetarëve.
“Tani që u ratifikua, megjithatë kemi hapësirë të vazhdojmë të merremi me temat të cilat prekin dhe kanë efekt të drejtpërdrejtë në jetën e qytetarëve, pra në shëndetësi, arsim e punësim”, shprehet deputetja e Aleancës për Ardhmërinë e Kosovës, per Insajderin.
Pas miratimit të Marrëveshjes për Kufirin me Malin e Zi, Kadaj-Bujupi komentoi edhe përparësitë që sjell liberalizimi i mundshëm i vizave për Kosovën, që kishte si kriter kryesor demarkacionin.
“Sportistët e studentët tanë edhe pse për nga cilësia e kapaciteti mund të konkurrojnë me ata ndërkombëtarë, penalizohen prej pjesëmarrjes në evente të ndryshme për shkak të izolimit me të cilin vendi jonë përballet padrejtësisht”, tha Kadaj-Bujupi.
Kadaj-Bujupi u largua nga Lëvizja Vetëvendosje javën e kaluar, pas përçarjes së kësaj partie në dy grupe. Një pjesë e madhe e deputetëve të VV-së u mblodhën bashkë në Grupin e Deputetëve të Pavarur, por ajo preferoi të rikthehej në partinë ku kishte kaluar pjesën më të madhe të karrierës së saj politike.
Promo
Reklamo këtuLufta Prigozhin - Putin
Më shumëNga Rubrika
Gjendja shëndetësore e 20-vjeçarit që u ther me thikë në Ferizaj është stabile
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel
Dita e dytë e fushatës për zgjedhjet kuvendare, politikanët kërkojnë vota edhe në diasporë
Serwer tregon se pse Serbia i frikësohet anëtarësimit të Kosovës në Këshillin e Evropës
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel
Arrestimet e qytetarëve të Kosovës në kufi, analistët në Beograd: Serbia ka prekur fundin moral e politik
Një muaj paraburgim për shqiptarin nga Kosova të arrestuar në Serbi
Kosovari i arrestuar në kufi, Serbia pretendon se ishte pjesë e luftës, mohon OVL-UÇK
“Të ngrehi zhag”, deklarata e bashkëshortes së Riza Muratit, e cila e ka denoncuar kapitenin e policisë për dhunë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel