Infrastruktura rrugore në Dibër është shkatërruar thuajse plotësisht. Në gjendje shumë të keqe janë rrugët e rëndësishme për funksionimin e përditshëm të qytetarëve ndërkohë që me plotë gropa është edhe rruga Amdi Lleshi që çon drejt kufirit me Shqipërinë. Situata nuk është ndryshe as në rrugët afër qendrës së qytetit. Si pasojë edhe lëvizja e makinave është rënduar ndjeshëm.

“Rrugët janë katastrofë. Janë plot me gropa. Kjo është rruga Zeqir Çanka, pastaj rruga Ibrahim Kolari. Vetë ne i rregullojmë para dere. Marrim një thes çimento dhe rërë që ti sanojmë”, deklaroi një qytetarë për Alsat-M.

Autoritetet lokale njoftuan se së shpejti do të ndërmarrin masa për sanim dhe asfaltimin e rrugëve. Ndërsa për disa rrugë të tjera thotë se janë nën kompetencë të Ndërmarrjes Publike “Rrugët e Maqedonisë”.