Rreth 20 vetura të parkuara në një pikë grumbullimi për pjesë janë përfshirë nga zjarri në magjistralen Gjakovë-Xërxë-Prizren.

Lexues të Telegrafit kanë dërguar pamjet nga vendi i ngjarjes, ku kanë treguar se si rezultat i kësaj është bllokuar edhe rruga shkaku i kolonës së madhe.

Është thënë gjithashtu se qytetarët kanë lajmëruar ekipin e zjarrfikësve, ndërkaq këta të fundit nuk kanë arritur ende në vendin e ngjarjes.

Policia jep detaje për zjarrin që përfshiu 20 vetura buzë magjistrales Gjakovë-Prizren Policia jep detaje për zjarrin që përfshiu 20 vetura buzë magjistrales Gjakovë-Prizren

Policia në një përgjigje për Telegrafin ka thënë se kjo ngjarje ka ndodhur rreth orës 13:30, derisa sipas tyre veturat nuk kanë qenë në funksion.

“Sot më datë 02.08.2021. rreth orës 13:30, në Rr.”Gasper Karaqi” – Gjakovë është pranuar informatë mbi për një zjarrvënie. Në vendngjarje është vërejtur se zjarri ka përfshirë diku rreth 20 vetura të cilat ishin të pa përdorura. Zjarrfikëset kanë dalur në atë lokacion dhe kanë lokalizuar zjarrin. Është intervistuar pronari i veturave, ankuesi ka deklaruar se nuk dyshon në askënd. Është njoftuar Prokurori i Shtetit me urdhër të cilit iniciohet rast dhe po ashtu janë njoftuar ekspertët e zjarrit për të dalë në vendngjarje. Shuma e demit për momentin nuk dihet”, thuhet në përgjigje.