Demi Lovato bën rikthimin e parë në rrjetet sociale pas overdozës, publikon fotografi nga momenti i votimit për Kongresin e ri

Këngëtarja e famshme, Demi Lovato, është rikthyer për herë të parë në rrjetet sociale që pas mbidozës së saj.

Ajo u kthye në mediat sociale të martën, duke publikuar një fotografi në rrjetin social Instagram, ku shfaqej duke votuar për Kongresin e ri dhe për të dhënë gjykimin për punën e Presidentit Donald Trump, shkruan DailyMail, transmeton Telegrafi.

Këngëtarja 26-vjeçare, e cila sapo ka dalë nga rehabilitimi, ka ndarë me ndjekësit e saj një fotografi, të realizuar te këndi i votimit.

“Unë jam kaq mirënjohëse që jam në shtëpi për të votuar”, ka shkruar Demi Lovato në mbishkrimin e fotografisë.

https://www.instagram.com/p/Bp2jlPwh53d/

“Një votë mund të bëjë ndryshime, prandaj sigurohuni që zëri juaj të dëgjohet – tani dilni dhe votoni!”, ka shkruar tutje ajo.

Ndërkohë, thirrje për të dalë në votime të martën, bëri edhe këngëtarja shqiptare me famë ndërkombëtare, Bebe Rexha, e cila jeton dhe vepron në ShBA.

Lexo po ashtu Bebe Rexha iu bën thirrje amerikanëve që të dalin në votime

Demi Lovato kaloi plot 90 ditë si paciente në një qendër rehabilitimi në ShBA.

Ajo u dërguar me urgjencë në spital gjatë verës, kjo pasi ishte e rrezikuar nga një overdozë në shtëpinë e saj në Los Angeles.

Por pas trajtimit të saj, burimet thonë se ajo është ‘e lumtur dhe e shëndetshme’, dhe po punon për ta ndryshuar jetën e saj. /Telegrafi/