Vuçiq e paralajmëroi të dielën Perëndimin se ata duhet të zgjedhin mes Kosovës dhe Serbisë.
Nëse ata zgjedhin Kosovën, Vuçiq ka thënë se “Serbia do të presë momentin më të mirë të mundshëm dhe ne do ta shfrytëzojmë mundësinë tonë”.
Deputeti gjerman i Parlamentit Evropian, Reinhard Butikofer, në një reagim në platformën “X”, ka pyetur liderët e BE-së nëse e kanë dëgjuar deklaratën e Vuçiqit për Kosovën.
Tutje th se si mund të vazhdohet me pretendimin se “problemi” është kryeministri Kurti, kur por e lejoni Vuçiqin të mbjellë farën e luftës.
“Hej, Joseph Borrel, Miroslav Lajçak dhe Oliver Varhelyi. A e dëgjuat këtë me zë të lartë dhe qartë? Si mund të vazhdoni të pretendoni se “problemi” është kryeministri Kurti? Ju pretendoni se ndiqni “stabilitetin”, por e lejoni Vuçiqin të mbjellë farën e luftës! Vonderleyen ju duhet të ndryshoni kursin e BE-së! Tani!”, ka shkruar ai.
Sonja Biserko, kryetare e Komitetit të Helsinkit për të Drejtat e Njeriut, të dielën duke komentuar fjalimin e presidentit të Serbisë, u shpreh se Vuçiq edhe takimin me fëmijët nga Kosova e shfrytëzon për t’i dërguar mesazhe rajonit dhe komunitetit më të gjerë ndërkombëtar.
E përderisa Banjska trajtohet si terrorizëm i organizuar nga shteti i Serbisë, ndërsa për autorin e sulmit, Milan Radoiçiq, është lëshuar urdhër i Interpolit, presidenti i Serbisë para fëmijëve nga Kosova shprehu mirënjohjen e tij për të gjithë veriun e Kosovës, por, veçanërisht duke vënë në dukje Banjskën, për të cilën tha se “e shpallin vend të së keqes, duke mos ditur se kush po përpiqej të na bënte keq ne serbëve…”.
Siç raporton Danas, Vuçiq ka theksuar se nuk e përjashton mundësinë që Serbia të përdorë forcën në Kosovë, për shkak të sjelljes së autoriteteve të Prishtinës dhe komunitetit ndërkombëtar.
“Ne do të flasim në një mënyrë tjetër.” Ne jemi gjithmonë të gatshëm të bisedojmë, por tani me një qasje tjetër”, tha Vuçiq.
Toby Vogel, bashkëpunëtor i Këshillit për Politikat e Demokratizimit nga Brukseli, ka hedhur kritika ndaj Shteteve të Bashkuara dhe Bashkimit Evropian lidhur me çështjen e sulmit terrorist në Banjskë, në shtator të vitit të kaluar.
Në një shkrim në platformën sociale “X”, Vogel theksoi se SHBA-a dhe BE-ja, janë duke e fshehur nën qilim rastin “Banjska”, për të vazhduar biznesin si zakonisht me presidentin serb, Aleksandar Vuçiq.
Me këtë mendim është pajtuar edhe eksperti amerikan, Daniel Serwer.
Duke komentuar në postimin e ekspertit evropian, Vogel, ai tha se mendimi se SHBA-ja dhe BE-ja kanë arsye të zhgënjehen me kryeministrin Kurti, por ai nuk ka arsye të zhgënjehet me ta, është qesharake.
Kjo pasi, sipas tij, tani më shumë se kurrë është koha për një ndryshim në negociatorët.
“Ekipi aktual nuk ka arritur të krijojë as besim të ndërsjellë elementar në Prishtinë”, shprehet Serwer./Telegrafi/
Hey, @JosepBorrellF, @MiroslavLajcak, @OliverVarhelyi, you heard this loud & clear. How can you continue pretending, that the “problem” is PM Kurti? You claim to pursue “stability”, but you allow #Vučić to sow the seeds of war! @vonderleyen, you must reverse the EU’s course! NOW! https://t.co/H2NaDIJvAA
— Reinhard Bütikofer (@bueti) March 18, 2024
Lufta Prigozhin - Putin
Më shumëNgacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Takimi i Kurtit me Baerbock, Ministria e Jashtme Gjermane: U diskutua se si t’i hapet rruga anëtarësimit të Kosovës në Këshill të Evropës
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
A do t'i "shpëtojë" Albin Kurti Asociacionit të komunave me shumicë serbe, flasin analistët
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë