Debati i ashpër mes Bellingham dhe Gavit, çfarë i kërkoi anglezi spanjollit gjatë ndeshjes

Sot u zhvillua derbi mes Barcelonës dhe Real Madridit në atë që njihet ndryshe në botë si ‘El Clasico’.

Madrilenët arritën fitore falë dy golave të shënuar nga Jude Bellingham në pjesën e dytë, i cili po vazhdon me formë të jashtëzakonshme që prej transferimit nga Borussia Dortmund, duke dëshmuar se golat e tij nuk janë fat, por rezultat i një pune të palodhshme.

Si çdo herë tjetër, edhe kësaj radhe kjo ndeshje u përcoll me polemika të shumta si nga ana e ndarjes së drejtësisë e deri tek momentet e nervozizmit nga lojtarët e të dy palëve.

Gavi sot pati një paraqitje mjaft të mirë ndonëse Barcelona humbi, duke fituar shumë duele në fushë por edhe duke sakrifikuar veten për ekipin me disa ndërhyrje të palejueshme, të cilat lehtë mund të ndëshkoheshin nga gjqytari.

Lexo po ashtu Reagimi i Toni Kroos pas golit të Bellingham është bërë viral në internet

Siç duket kjo e ka penguar yllin anglez të Real Madridit, Jude Bellingham, të cilin në një moment të ndeshjes kamerat e kapën duke debatuar me Gavin.

“Hej fëmijë, mos më godit përsëri mua. Ju më keni goditur katër herë radhazi”, këto ishin fjalët e tij drejtuar spanjollit.

Jude Bellingham to Gavi 👀

pic.twitter.com/2pPQtFYE5R

— CentreGoals. (@centregoals) October 28, 2023

Gavi siç duket e mori në konsideratë kërkesën e Bellingham pasi që në vazhdim të ndeshjes gjithçka shkoi qetë mes dy palëve, por në fund me tri pikë doli Bellingham i cili pothuajse si në çdo ndeshje tjetër këtë sezon, ishte edhe një herë tjetër ‘heroi’ i Los Blancos./Telegrafi/