Dana White shpreson që Conor McGregor mund ta kontrollojë temperamentin e tij, para se t’i shkaktojë dëme më të mëdha xhepit të tij.

Presidenti i UFC-së i është përgjigjur videos ku shihet irlandezi duke e goditur një pronar të një kafeneje në Dublin.

Pretendohet se McGregor hyri brenda dhe i rreshtoi gota ata që ishin në kafene, para se ta merrte një shishe uiski.

Sidoqoftë, burri nuk e pranoi gotën nga McGregor, duke e refuzuar dy herë.  McGregor rrëzoi gotat dhe e goditi me një grusht të majtë burrin.

Pamjet që dolën pak ditë më parë tregojnë se si kishte ndodhur incidenti, derisa White ka sqaruar se ngjarja kishte ndodhur në muajin prill.

“Ajo kishte ndodhur në muajin prill. E dija se ajo kishte ndodhur, tani është publikuar edhe video. Është shumë keq”, ka thënë i pari i sportit luftarak.

“Nuk e di se për çfarë ishte bërë fjalë. Por, në video mund të shihet se ai gjuan me grushte, një njeri, një të moshuar, në fytyrë”.

Vazhdon me probleme, Conor McGregor e grushton një burrë të moshuar në një kafene Vazhdon me probleme, Conor McGregor e grushton një burrë të moshuar në një kafene

“Conor tashmë dihet se e ka markën e tij të uiskit, por nëse nuk ndalon së bëri këso gjërash jashtë ringut, atëherë do të jetë shumë keq për të dhe për xhepin e tij”, ka shtuar më tej White.

Irlandezi po e kërkon rikthimin në UFC dhe rimeçin e Khabib Numagomedov, mirëpo ende nuk ka asnjë marrëveshje mes të dyja palëve. /Telegrafi/