Cristiano Ronaldo apo Lionel Messi? – Kim Kardashian vihet në siklet kur pyetet se cili është i preferuari i saj

Kim Kardashian e dërgoi djalin e saj të apasionuar pas futbollit Saint në Japoni për të parë një nga heronjtë e tij – Cristiano Ronaldon, vetëm disa ditë pasi ata panë debutimin e Lionel Messit për Inter Miami.

Ronaldo – i cili luan për Al-Nassr në Arabinë Saudite – aktualisht po përgatitet për sezonin e ri dhe skuadra e tij u përball me gjigantët francezë PSG në një ndeshje miqësore të martën në Osaka të Japonisë.

Ylli portugez luajti 65 minutat e para të lojës para se ndeshja të përfundonte me barazimin 0-0.

Themeluesja e “SKIMS” u pa e veshur në të bardha për ngjarjen sportive, duke zgjedhur një bluzë të shkurtër dhe pantallona të gjera.

Ajo i mbajti flokët e saj të gjata kafe të tërhequra në një bisht. Sa i përket Saint, ai zgjodhi një fanellë të Neymar.

Ajo ndau disa fotografi në Instagram gjatë lojës, duke përfshirë një që shkruhej: “Dhe turneu i nënës së futbollit vazhdon… në Japoni. PSG kundër Al Nassr’.

Ylli gjithashtu dokumentoi një moment emocionues që pa Neymar duke bërë me dorë grupit me të cilin ishte, pasi ata tërhoqën vëmendjen e brazilianit në turmë.

Dyshja nënë-bir mori pjesë gjithashtu në ndeshjen e parë të Messit në MLS kur ata luajtën me skuadrën meksikane Cruz Azul të premten në Fort Lauderdale, Florida.

Ndërsa ishte duke ndjekur lojën, ajo u përfshi me yje të tjerë si Victoria dhe David Beckham, si dhe Serena Williams. Kur ishte në ndeshjen e Al-Nassr PSG, ajo u takua gjithashtu me yllin e YouTube, Speed.

Ndërsa fliste për Apple TV, ylli televiziv shpjegoi se djali i saj Saint ishte arsyeja që ajo ishte në ndeshje.

“Gjatë gjithë verës do të shkojmë në lojëra të ndryshme. Kam luajtur futboll për pesë apo gjashtë vjet. Unë isha portierr – dhe qendërsulmuese – nuk isha keq”, ka thënë Kim.

“Mua më pëlqen, kështu që jam e lumtur që edhe djali im e pëlqen atë – dhe që ne mund të vijmë. Ata janë të emocionuar dhe kjo më bën edhe mua kaq të emocionuar”, u shpreh ylli.

Lexo po ashtu Të gjitha lajmet nga Kim Kardashian

Më pas Kardashian u pyet nëse Saint ka një lojtar të preferuar, të cilës ajo u përgjigj se ishte numri 10 i Inter Miamit dhe se ai ishte shumë i emocionuar ta shihte atë duke luajtur.

Kim  vu në siklet kur u pyet nëse preferonte Ronaldon apo Messin, por ajo u tregua e matur dhe u përgjigj duke thënë: “Më pëlqejnë të dy”.

Në javët e fundit, Kardashian u pa gjithashtu duke u shoqëruar me sulmuesin e Manchester Cityt, Erling Haaland dhe ishte në stadiumin Emirates për ndeshjen e Arsenalit. Ajo dhe Saint ndoqën gjithashtu një lojë të PSG-së në mars.

Kim pozoi gjithashtu për një foto me yllin e PSG-së, Kylian Mbappe, në festën e katër korrikut të miliarderit Michael Rubin në Hamptons. /Telegrafi/