Coutinho ia propozon Barcelonës Canin

Mediat spanjolle raportojnë se Philippe Coutinho dëshiron ribashkimin me Emre Can dhe ia ka propozuar gjermanin Barcelonës.

Barcelona kërkon të nënshkruaj me një mesfushor me tipare mbrojtësi pas largimit të Javier Mascheranos në afatin kalimtar të dimrit, pasi Sergi Samper nuk ka arritur t’i bind drejtuesit.

Blaugranët duan një zëvendësues për Sergi Busquetsin, pasi spanjolli është zgjidhje e parë gjatë gjithë sezonit dhe kjo po e lodh jashtë-mase.

Kështu, Barcelona mendohet se është në treg për një emër të ri, i cili e ka profilin e duhur për ekipit dhe vjen si transferim i lirë gjatë verës.

Mesfushori gjerman, Emre Can, i cili momentalisht është i lënduar ka pasur një sezon yjor nën urdhrat e Jurgen Kloppit te Liverpooli.

Sipas mediumit spanjoll Don Balon, Can është mjaftueshëm i mirë për tu transferuar në Camp Nou si mesfushor i ri.

Ky medium raporton gjithashtu se transferimi i Canit në Camp Nou mund të ndihmohet nga ish-bashkëlojtari i tij, Philippe Coutinho.

Coutinho thuhet se ia ka propozuar Barcelonës transferimin e Canit pasi sipas tij gjermani ka aftësitë e duhura me top dhe forcë të mjaftueshme. /Telegrafi/