LAJMI I FUNDIT:

Çorbë me mish pule

Çorbë me mish pule

Përbërësit:

▪ 1 pulë e vogël
▪ 1 kokë qepë
▪ 2 karota
▪ 1 spec i gjelbër
▪ 1 spec i kuq
▪ 1 lugë çaji gjethe e grirë selinoje
▪ 1 lugë gjelle piper i kuq i bluar
▪ 1 lugë çaji majdanoz i grirë
▪ 1 lugë çaji kopër
▪ 300 gramë domate të konservuara
▪ 2 lugë gjelle miell
▪ 300 gramë jufka
▪ 0,5 decilitri vaj
▪ erëza të përziera
▪ piper i zi, qimnon, kripë


Përgatitje:

1. Pula pritet në copë të vogla. Mishit i hedhen erëza të përziera, kripë e piper i zi sipas shijes dhe fërgohet në vaj të nxehtë derisa të skuqet. Mishi pastaj hiqet nga yndyra dhe lihet në vend të ngrohtë.

2. Qepa, domatet e konservuara, speci i kuq dhe i gjelbër priten në kube, ndërsa karotat priten në rrathë.

3. Në pak vaj kaurdiset qepa, sa të skuqet e pastaj shtohen karotat, speci i kuq e i gjelbër dhe të gjitha bashkë kaurdisen pakëz.

4. Shtohet mishi i fërguar i pulës, shtohen domatet e konservuara dhe vazhdon zierja duke shtuar ujë kokë pas kohe, derisa të zbuten të gjithë përbërësit.

5. Nga fundi i zierjes shtohen majdanozi, selino, kopra, piperi i kuq i bluar,disa kokrra qimnon dhe erëza sipas shijes. Përmbi hedhet pak miell dhe të gjitha zihen në temperaturë mesatare, derisa të fitohet dendësia e dëshiruar.

6. Jufkat zihen në ujë me kripë ku hedhen disa pika vaj, e pastaj kullohen dhe shërbehen si garnir me ushqimin e përgatitur. /Telegrafi/

Në trend Kuzhina

Më shumë
Fileto pule e shijshme dhe e shëndetshme, ideale për Muajin e Ramazanit

Fileto pule e shijshme dhe e shëndetshme, ideale për Muajin e Ramazanit

Kalo në kategori