Cilat janë komplikimet nëse një fëmijë i pavaksinuar sëmuret nga fruthi

Mjekët paralajmërojnë se pasojat mund të jenë të rrezikshme

Erëza Y. Durmishi
Studente e Fakultetit të Mjekësisë, Prishtinë

Pse është e rëndësishme që një fëmijë të vaksinohet në kohë dhe çfarë ndodh nëse ai sëmuret nga fruthi dhe nuk ka marrë MMR.

Një pasqyrë e rëndë klinike me komplikime nëse nuk merret vaksina shfaqet te fëmijët e kequshqyer, veçanërisht ata që kanë mungesë të vitaminës A në ushqimin e tyre, tek ata të cilëve sistemi imunitar është dobësuar për shkak të ndonjë sëmundjeje tjetër, është më e zakonshme te fëmijët nën moshën pesë vjeç dhe personat mbi 20 vjeç.

Rënia e imunitetit pas sëmundjes mund të zgjasë për disa javë dhe është arsyeja e rritjes së ndjeshmërisë ndaj infeksioneve të tjera, veçanërisht ndaj infeksioneve të shkaktuara nga streptococcus pneumoniae.

Komplikimet shfaqen në rreth 30 për qind të rasteve të raportuara dhe konsistojnë në infeksione të veshit të mesëm (7-9%), diarre me dehidrim (6%), pneumoni (1-6%), verbëri dhe encefalit postinfektiv – inflamacion i trurit (1 në 1000 raste), gjithashtu, panencefaliti sklerozues subakut (SSPE) në 1 në 100,000 raste. Si pasojë e komplikimeve të sipërpërmendura, është e mundur edhe vdekja.

Vaksina MMR është e vetmja mënyrë për t’u mbrojtur nga fruthi. Nëse dikush ka marrë dy vaksina, ai mbrohet me rreth 98 për qind, ndërsa në rastin e një doze, mbrojtja është nga 90 në 95 për qind. Me një dozë – mund të sëmuret, por do të ketë një pasqyrë klinike më të lehtë.

Vaksinimi primar kundër fruthit, shytave dhe rubeolës kryhet tek fëmijët nga mosha 12 muajshe me një dozë të vaksinës së kombinuar – vaksina MMR. Rivaksinimi (doza e dytë e vaksinës) bëhet duke përdorur vaksinën MMR para regjistrimit në klasën e parë të shkollës fillore, dhe me përjashtim të klasës së parë. /Telegrafi/