Pasi i prezantoi tri këngë të reja, Chris Brown tashmë e ka lansuar edhe albumin e shumëpritur, “Heartbreak on a Full Moon”, i cili përmban plot 45 këngë të reja, në të cilat ylli i muzikës R&B ka bashkëpunuar me shumë muzikantë dhe producentë.

Albumi do të dalë në shitje më 3 nëntor, mirëpo tashmë të gjitha këngët mund të dëgjohen në YouTube, apo të shkarkohen nga platformat e popullarizuara në internet për shkarkimin e muzikës.

Ky është albumi i tetë me radhë për këngëtarin 28 vjeçar.

Chris Brown harron arrestimin, vazhdon me muzikë (Video) Chris Brown harron arrestimin, vazhdon me muzikë (Video)

Albumin i parë të titulluar “Chris Brown” e publikoi në vitin 2005, ndërsa më i fundit ishte “Royality” që është incizuar në vitin 2015.

“Heartbreak on a Full Moon” përmban plot 45 këngë (Getty Images)

Në projektin e tij të ri janë pjesëmarrës emra, si Dej Loaf, Lil Yachty, Usher, Gucci Mane, Yo Gotti, Kodak Black, A Boogie Wit da Hoodie, Jhene Aiko, R Kelly dhe shumë të tjerë.

Njësoj sikurse edhe titulli, në kopertinën e “Heartbreak on a Full Moon” është e vizatuar hëna ngjyrë trëndafili, me zemrën që gjakderdh në mes.

Sipas dëgjimeve në YouTube, fansave u pëlqejnë më shumë këngët, si “Only 4 Me”, “Tempo”, “Confidence” e “Hope You Do”. /Telegrafi/