Blutë kanë regjistruar fitore prej 4-0 në udhëtim te Maccabi Tel Aviv për të ngritur vetëbesimin, pas sezonit jo të mirë që po kalojnë në Ligën Premier.
Blutë kanë regjistruar fitore prej 3-0 në udhëtim te Maccabi Tel Aviv për të ngritur vetëbesimin, pas sezonit jo të mirë që po kalojnë në Ligën Premier.
Mbrojtësi anglez, Gary Cahill, ishte protagonist i golit të parë (20’). Pas një harkimi nga këndi të Willian, 29-vjeçari goditi me kokë, por portieri vendas ndërhyri për ta përplasur në shtyllë. Reagimi i Cahill ishte i shpejtë dhe në tentativën e dytë, e futi topin në rrjet.
Përjashtimi i Tal Ben Haim me karton të kuq (40’), i dha më shumë shans ekipit të Jose Mourinhos që në fraksionin e dytë të realizonte gola të tjerë.
Fillimisht Willian shënoi golin e sigurisë nga gjuajtja e lirë (73’), ndërsa Oscar realizoi golin e tretë (77’). Rezultatin përfundimtar e vendosi Kurt Zouma në minutat shtesë (90’+1).
Pas humbjes së Portos nga Dynamo Kyiv (0-2), Chelsea ka marrë kreun e grupit me 10 pikë, aq sa ka edhe klubi portugez.
Në ndeshjen e Grupit H, Genti ka befasuar duke e mposhtur Lyonin (1-2) dhe tash është pretendent për t’u kualifikuar në fazën e eliminimit direkt me shtatë pikë, një më shumë se Valencia që gjendet në vendin e tretë. /Telegrafi/
*************** 0 - 3 Chelsea # Oscar Exclusive Live Sports HD
Posted by Live Sports HD on Tuesday, 24 November 2015
