Cristiano Ronaldo, u kritikua nga publiku pasi hodhi sërish shiritin e kapitenit pas disfatës së mbrëmshme ndaj Spanjës, ndërsa për formën e tij të dobët komentoi edhe Antonio Cassano.

Ish-reprezentuesi italian ka folur për një nga ndeshjet më të këqija të Ronaldos për Portugalinë në vitet e fundit.

“Në këtë moment, Ronaldo duhet t’i bëjë një nder vetes dhe të kuptojë se nëse nuk jeni në një nivel të caktuar, atëherë duhet të vendosni të ndaloni”.

“Ai fitoi gjithçka, ai ishte një fenomen. Mjaft! Duhet të ndaloni ose do të përplaseni me bankinën”, ka thënë ish-lojtari i Realit në stilin e tij për Cabine Desportiva.

Reklama

Cassano luajti në klubin e Real Madridit për dy vjet para ardhjes së Ronaldos në vitin 2009.

Reklama

Kujtojmë se Portugalia kishte në duar vendin e parë në grup, por në fund të lojës pësoi gol nga Spanja dhe përjetoi humbjen me rezultat 1-0.

Si pasojë, portugezët mbetën pa vend në finalen e Ligës së Kombeve, ku tashmë do të luajë Spanja. /Telegrafi/