Caldara: Po punoj shumë që të jem gati për Juventusin

Mattia Caldara dëshiron të bashkohet me Juventusin, por aktualisht është duke menduar për Atalantan.

Bianconerët e kanë blerë mbrojtësin për 15 milionë euro dhe 10 milionë bonuse, ndërsa ai do të mbetet lojtar i Atlantas deri në verën e vitit 2018.

“Punoj shumë që të përmirësohem që kur të arrij në Torino të jem gati, do të jetë një hap i rëndësishëm përpara dhe nuk dua të bëjë gabime kur të arrij”.

“E di që jeta ime ka ndryshuar, por unë kam pasur më herët dy eksperienca me Trapanin dhe Cesenan para se të kaloj te Atalanta. Tani nuk jetoj me prindërit pasi distanca me Bergamon është një problem”.

“Duhet të tregoj që vlej për Juven, por aktualisht jam i fokusuar te Atalanta”.

“Andrea Barzagli apo Leonardo Bonucci? Në sezonet e fundi Barzagli e ka dëshmuar se është një nga mbrojtësit më të kompletuar në Serie A”.

“Sa i përket krahasimeve me Bonuccin, më pëlqen ai, por kjo më jep më shumë përgjegjësi dhe për momentin është herët të flitet për krahasim me të”.

“Duhet të përmirësohem shumë që të arrijë në atë nivel”, ka thënë Caldara. /Telegrafi/